કવિતા
કવિતા
અમે દિલને ખોલી ન શક્યા ,
તમે કશું બોલી ન શક્યા .
હતી તો સાવ હળવીફૂલ ,
જાણે ખિલેલ તાજુ ફૂલ ,
લાગણીઓને તોલી ન શક્યા ,
અમે દિલને ખોલી ન શક્યા .
ન હતો તમારો કોઇ વાંક ,
પણ હતા અમે જ રાંક ,
અહમને છોલી ન શક્યા ,
અમે દિલને ખોલી ન શક્યા .
જીંદગીનું નામ છે ગીત ,
નિપજે નીત નવું સંગીત ,
સુરતાલ પર ડોલી ન શક્યા ,
અમે દિલને ખોલી ન શક્યા .
ઘુઘવતો સાગર હતો નયનમાં ,
નાનકડી ગાગર હતી હાથમાં ,
આંસુને 'જશ' ઝીલી ન શક્યા ,
અમે દિલને ખોલી ન શક્યા .