ଯତ୍ନ

ଯତ୍ନ

-------

ଦୁଇ ମହଲା କୋଠା , ଗୋଟେ କାର୍ ଦୁଇଟି ବାଇକ୍ ଚାରିଟା ଟ୍ରାକ୍ଟର‌ କମେଇ ସାରିବା ପରେ । ବଡ଼ ପୁଅ ଦିନେ ବାପାଙ୍କ ପାଖରେ ବସି ପଚାରିଲା

" ବାପା ଦେଖ ମୁଁ ସଫଳ ହୋଇ ଯାଇଛି ।‌ ଆଉ କ'ଣ ଦରକାର କୁହ ?"

ବାପା କହିଲେ -" ତୁ ଏତେ କରି ଯାହା କମେଇ ପାରିନୁ‌, ମନୁଆ କିଛି ନ କରି କରି ଦେଇଛି । ମୋର ଆଉ କିଛି ଦରକାର ନାହିଁ ମନୁଆ ମୋ ପାଇଁ ବହୁତ କରିଛି । ଆଉ କିଛି ଅଭାବ ଥିବା ପରି ମୋର ବିଲକୁଲ ମନେ ହେଉନିରେ । "

ବଡ଼ ପୁଅ ରାଗି ଯାଇ , ସାନ ଭାଇ ମନୁଆ ଉଦେଶ୍ୟ ରେ କହିଲା , - " କଣ ପା କରିଛି ତମ ପାଇଁ ସେ ? ଖାଲି ତୁମ ଜମି ଖଣ୍ଡକ ହାତେଇବ ବୋଲି ତୁମ ପାଖେ ରହି ସେବା ଯତ୍ନ କରିବାର ଚାଲ୍ ଚଲଉଛି । "

ବାପା ଅଳ୍ପ ହସି କହିଲେ , -" ସେ ଯାହା ହେଉ , ଭଲରେ ମନ୍ଦରେ ମୋ କଥା ତ ଶୁଣୁଛି ମୋ ବୋଲହାକ କରୁଛି । ଦେହ ମୁଣ୍ଡ ଘସି ଦେଉଛି ...."

କଥା ସରିନି ବଡ଼ ପୁଅ ହଠାତ୍ କହିଲା ," କଣ ଆଉ ଜାଣିଛି କି ୟା ଛଡା ସେ ?"

ବାପା କହିଲେ -" ମୋର ଆଉ କ'ଣ ଦରକାର ‌କି ରେ ଏ ବୟସର ? "

ବଡ଼ଭାଇ ଦେଖୁଥିଲା ସାନ ଭାଇ ମନୁଆକୁ , ସେ ନିଜକୁ କେମିତି ବାପାଙ୍କ ପାଖରେ ସମ୍ପୂର୍ଣ୍ଣ ଉତ୍ସର୍ଗ କରିଦେଇଛି ।

ସତରେ ସେ ଯାହା ଲକ୍ଷ ଲକ୍ଷ ଟଙ୍କା କମେଇ ପାଇ ପାରିନି ମନୁଆ ଦିନ ମଜୁରିଆ ହୋଇ ବି ପାଇ ଯାଇଛି । 

ସତରେ ଭଲ ପୁଅଟିଏ ହେବା ଏତେ ବି ସହଜ ନୁହେଁ ।