Best summer trip for children is with a good book! Click & use coupon code SUMM100 for Rs.100 off on StoryMirror children books.
Best summer trip for children is with a good book! Click & use coupon code SUMM100 for Rs.100 off on StoryMirror children books.

Ranjit Sahu

Tragedy Inspirational


3  

Ranjit Sahu

Tragedy Inspirational


ଉଡ଼ାଜାହାଜ଼ର ସନ୍ଦେଶ

ଉଡ଼ାଜାହାଜ଼ର ସନ୍ଦେଶ

2 mins 311 2 mins 311

"ସମସ୍ତଙ୍କୁ ବୁଝେଇ ହେବ କିନ୍ତୁ ଛୁଆଟିକୁ ବୁଝେଇବା ମହା କଷ୍ଟ," ନିଖିଳ କହିଲା I ସବୁ ଆଡେ ଲକଡାଉନ, ତେଣୁ ଅଧିକ ଅଝଟ ହଉଛି I ଏମିତି ଅସମୟରେ କଣ ଆଉ କରା ଯାଇ  ପାରିବ ? ନିଜେ ଯେତିକି ଦୁଃଖିତ, ଛୋଟ ଛୁଆଟିର ମୁଖକୁ ଚାହିଁଲେ ଆହୁରି ଦୁଃଖ ବଢି ଯାଉଛି I ଦୁଃଖ ଯେତେବେଳେ  ଆସେ ତାହାର ବନ୍ଧୁ ବାନ୍ଧବ ସାଙ୍ଗ ସାଥି ସମସ୍ତକୁ ସାଥିରେ ନେଇ ଆସେ I " ନିଖିଳ  ମାଆର ପ୍ରଶ୍ନ ଭରା ଆଖିକୁ ଦେଖି କହିଲା I ସାଥିରେ ତାହାର ପଡିଶା ଘରର ପିଙ୍କୁ I ଏହି ସମୟରେ ପ୍ରାୟ ପିଙ୍କୁ ଆସେନି ତାଙ୍କ  ଘରକୁ I ଆଜି କିନ୍ତୁ ପରିସ୍ଥିତି ଜଟିଳ ହୋଇ ଯାଇଛି I 

ଗାଆଁରେ, ସମସ୍ତେ ମର୍ମାହତI ଆଉ ଶଶାଙ୍କର  ପରିବାର ସାରା ଶୋକର ଛାୟା I ମନରେ ଗର୍ବ ଯେତିକି ସେତିକି ବେଦନା I ସୀମାନ୍ତରେ ଶହୀଦ ହୋଇଛନ୍ତି ବୀରପୁତ୍ର ଜଣେ ଶତ୍ରୁ ସହ ଲଢ଼ି ଏହା I ନିଶ୍ଚିତ ପରିବାର ଗର୍ବର ବିଷୟ I ନିଜ ଗାଆଁରୁ ଜଣେ ଦେଶ ପାଇଁ ପ୍ରାଣ ଦେବା କଥା ସମସ୍ତଙ୍କୁ ଆତ୍ମବିଭୋର କରିଛି ଯେତିକି, ଜଣେ ଭଲ ମଣିଷ  ହିସାବରେ  ସମସ୍ତଙ୍କୁ ନିଜର କରି ପାରୁଥିବାରୁ ଶଶାଙ୍କର ବିୟୋଗରେ ସମସ୍ତେ ଭାବ ବିଭୋର ହୋଇ ପଡିଛନ୍ତି ସେତିକି I ଶଶାଙ୍କର ତିନି   ବର୍ଷର ଛୋଟ ପୁଅ ପିଙ୍କୁ ଖବର ଶୁଣିକି ସକାଳୁ କାନ୍ଦିବାରେ ଲାଗିଛି I କେତେ ବୁଝୁଛି ଜୀବନର ସତ୍ୟତା କିଏ ଜାଣେ ? କିନ୍ତୁ ଏତିକି ତ ବୁଝି ପାରିଛି ତାହାର ବାପା ଆଉ କେବେ ଫେରିବେନି !

ଅନେକ ଥର ପ୍ରଶ୍ନ ପଚାରି ସାରିଲାଣି ତାହାର ମାଆକୁ ବାପା କାହିଁକି ଆଉ ଆସିବେନି ? କେହି ଜଣେ ତାକୁ କହି ଦେଇଛି, ତା ବାପା ବହୁତ ଦୂରକୁ ଚାଲି ଯାଇଛନ୍ତି ଆଉ କେବେ ଫେରିବେନି I ସେହି ସମୟରୁ ତାହାର ପ୍ରଶ୍ନ ରହିଛି ଅନବିରତ I 

ପଡ଼ିଶା ଘରର ନିଖିଳ ବହୁତ ଅନ୍ତରଙ୍ଗ ବନ୍ଧୁଟିଏ ପରିବାରର I ଖବର ଶୁଣି ଆସିଥିଲା  I ପିଙ୍କୁ ସହ ଭଲ ଜମେ ତାହାର ତେଣୁ ତାକୁ ବୁଝେଇବା ଲାଗି କୁହା  ଯାଇଥିଲା   I ହାଟ ବଜାର କିଛି ଖୋଲା ନାହିଁ I  କୁଆଡେ ମଧ୍ୟ ନେଇ ହେବନି ଲକଡାଉନ ଯୋଗୁଁ ତାହାର ମନକୁ ଭୁଲେଇବା ଲାଗି I କଣ କରିବ ବୁଝି ପାରିଲାନି  ନିଖିଳ I ଘର ଭିତରେ ଯେତେ ପ୍ରକାର ଖେଳ ସମ୍ଭବ ସବୁ ସାରିଦେଇଥିଲା  I ଛୋଟ  ଛୁଆଟି କେତେ ସମୟ ଧୈର୍ର୍ଯ୍ୟ  ଧରିବ?

ସନ୍ଧ୍ୟା ସାତଟା ଯାଏଁ ସମ୍ଭାଳିବା କଥା, ତା ପରେ ପିଙ୍କୁ  ଖାଇକି ଶୋଇଯିବ I କିଛି ଭାବି ନିଖିଳ ଚାଲିଗଲା ପିଙ୍କୁକୁ ନେଇକି ନିଜ ଘରକୁ I ଘରେ ମାଆଙ୍କୁ କହିଲା ସବୁ କଥା I 

"ପିଲାଟିକୁ ଭୁଲ ଭାବରେ ବୁଝେଇ ଦିଆ  ଯାଇଛି I ତୁ ତାକୁ ଅନ୍ୟ ରକମର ଭୁଲେଇବାକୁ ଚେଷ୍ଠା କରେ I ଧୀରେ ଧୀରେ ବୁଝେଇବାକୁ ପଡିବ ଛୁଆଟିକୁ ," ନିଖିଳର ମାଆ କହିଲେ ଆଉ କିଛି ପରାମର୍ଶ ଦେଲେ I 

"ବାପା କାହିଁକି ଆସିବେନି କେହି କହିଲେକି?" ନିଖିଳ ପଚାରିଲା ପିଙ୍କକୁ I ମୁଣ୍ଡ ହଲାଇ ମନା କଲା ପିଙ୍କୁ I 

"ତାହା ହେଲେ ଆମେ କାହିଁକି ବ୍ୟସ୍ତ ହେବା ? ବୋଧେ ଏବେ ଟ୍ରେନ ବସ କିଛି ଚାଲୁ ନାହିଁ ତେଣୁ ଆସି ପାରିବେନିI ଚାଲ ଆମେ ବହୁତ ଗୁଡ଼ାଏ ଉଡ଼ାଜାହାଜ ତିଆରି କରିବା ଏବଂ ଉଡେଇବା ତାଙ୍କ ପାଇଁ, " ନିଖିଳ କହିଲା I 

"କିନ୍ତୁ ଆମେ କେମିତି ତିଆରି କରିବା ଯେ?" ପିଙ୍କୁ ପଚାରିଲା I 

"ଆମେ ଖାଲି କାଗଜର ତିଆରି କରିବା I ଆମେ ସେଥିରେ ଭଗବାନଙ୍କୁ  ସନ୍ଦେଶ ଦେବା, ଭଗବାନ ଯେତେବେଳେ ଖୁସି ହେବେ ସିଏ ବଡ଼ ଉଡ଼ା ଜାହାଜ ଯୋଗାଡ଼ କରିଦେବେ !" ନିଖିଳ କହିଲା I 

ମୁରୁକି ହସିଲା ପିଙ୍କୁ ଆଉ ଲାଗି ଗଲା କାଗଜର ଉଡ଼ା ଜାହଜ ତିଆରିରେ I କିଛି ସମୟ ପରେ ସନ୍ଧ୍ୟାର ଆଲୋକରେ ଅଗଣାରେ ଉଡିବାକୁ ଲାଗିଥିଲା କାଗଜର ଉଡା  ଜାହାଜ, ଗୋଟିଏ ପରେ ଗୋଟିଏ  I କିଛିଟା ବ୍ୟସ୍ତ ରହି  ଶାନ୍ତ ହୋଇ ସାରିଥିଲା ପିଙ୍କୁ I କିନ୍ତୁ ନିଖିଳ  ମନରେ ଆରମ୍ଭ ହୋଇଥିଲା ନୂଆ ସମସ୍ୟା I କାଲି କଣ କହି ବୁଝେଇବ ପିଙ୍କୁକୁ ଯେତେ ବେଳେ ପିଙ୍କୁ ସକାଳୁ ଉଠିବ ଆଉ ପୁଣି ଥରେ ସାମ୍ନା କରିବ ତାହାର ଜୀବନର ସତ୍ୟତାକୁ ?"


Rate this content
Log in

More oriya story from Ranjit Sahu

Similar oriya story from Tragedy