ସ୍କୁଲର ପ୍ରଥମଦିନ

ଜୀନୁ କାନ୍ଦିକାନ୍ଦି କହୁଛି ମୁଁ ସ୍କୁଲ ଯିବିନି ଘରେ ହିଁ ପାଠ ପଢ଼ିବି l ଯେତେ ବୁଝାଇଲେ ସେ ଜମା ଶୁଣୁନି l ମାଆ ରେବତୀ ବାପା ନରେଶ ଅଲିଅଳି କନ୍ୟାକୁ ବୁଝାଉଛନ୍ତି ସ୍କୁଲ ଯିବୁ ଧନ ପାଠ ପଢିଲେ ସିନା କଲେକ୍ଟର ହେବୁ l ଆମ ଗାଁର ଉନ୍ନତି ପାଇଁ କାମ କରିବୁ l

"କାଳିଆ ଘୋଡାରେ ଚଢ଼ିବୁ ତୁ ମଧୁବାବୁ ସଙ୍ଗେ ଲଢ଼ିବୁ" l

ଯେତେ ବୁଝାଇଲେ ବି ଜୀନୁର ଏକା ଜିଦ ମୁଁ ସ୍କୁଲ ଯିବିନି ଘରେ ପାଠ ପଢ଼ିବି ତମେ ମାଆ ମିଶି ମୋତେ ପାଠ ପଢ଼େଇଦେବ l

ବାପା ନରେଶ ମାଆ ରେବତୀ ଝିଅ ଜୀନୁକୁ ଗାଡ଼ିରେ ବସାଇ ସ୍କୁଲ ନେଇ କ୍ଲାସ ରୁମରେ ବସାଇଲେ l

ଜୀନୁ ପରି କୁନିକୁନି ପୁଅ ଝିଅଙ୍କର ବିକଳ କାନ୍ଦ, ଯେଉଁ ପିଲାମାନେ କାନ୍ଦୁ ନଥିଲେ ସେମାନେ ବି କାନ୍ଦୁଥିବା ପିଲାଙ୍କୁ ଦେଖି ଭେଁ ଭେଁ କାନ୍ଦୁଥିଲେ l ସ୍କୁଲର ପ୍ରଥମ ଦିନର ଦୃଶ୍ୟ ସବୁ ବାପାମାଆଙ୍କ ଆଖିରେ ବି ଲୁହ ଆଣି ଦେଇଥିଲା l ତାଙ୍କରି ଶିକ୍ଷକ ମାନେ କହୁଥିଲେ ବାପାମାଆଙ୍କୁ ଦେଖିଲେ ହିଁ ପିଲାମାନେ ବହୁତ କାନ୍ଦନ୍ତି ଆପଣ ମାନଙ୍କୁ ଆମେ ଅନୁରୋଧ କରୁଛୁ ପିଲାମାନଙ୍କ ପାଖରୁ ଦୂରେଇ ଯାଅ l

ସତରେ ପ୍ରାଇମେରୀ ଶିକ୍ଷକ ଶିକ୍ଷୟିତ୍ରୀ ମାନଙ୍କ ଭୂମିକା ବହୁତ ଗୁରୁତ୍ୱ ପୂର୍ଣ୍ଣ, ସେମାନେ ଚିର ନମସ୍ୟ l

ସେମାନେ ପ୍ରତ୍ୟେକ ପିଲାଙ୍କ ଦ୍ୱିତୀୟ ଗୁରୁ l

ଦିନେ ଦୁଇଦିନ ପରେ ପିଲାମାନେ ଏତେ ସ୍ନେହ ଶ୍ରଦ୍ଧା ପାଆନ୍ତି ଯେ ହସିହସି କୁହନ୍ତି ଆମେ ସ୍କୁଲ ଯିବୁ l