ରୀତୁର ଭାବନା

ଆମେ ସମସ୍ତେ ବୈଜ୍ଞାନିକ ଯୁଗରେ ପଦାର୍ପଣ କରିଛେ, ଯନ୍ତ୍ରପାତିର ଆବିଷ୍କାର ଆମକୁ ଶିଖରରେ ଚଢ଼ାଇଦେଇଛି ସିନା ଅଳସୁଆ କରିଦେଲାଣି l ଦୁଇ ମିନିଟ ପାୱାର କାଟିଲେ ଆମେ ଚଳିପାରୁନୁ l ପୁଣି ଗୋଟିଏ ଦିନ ଦୁଇଦିନ ପାୱାର କଟିଲେ ଅବସ୍ଥା ଅସମ୍ଭାଳ l ଗାଡି, ଟିଭି, ଲାପଟପ ମୋବାଇଲ ନଥିଲେ ଚଳିହେବନି l

କିନ୍ତୁ ଗରୀବ ମଧ୍ୟବିତ୍ତ ପରିବାର ପାଇଁ ଯୁଗ ପରିବର୍ତ୍ତନ ହେଲେ, ନୂଆନୂଆ ଯନ୍ତ୍ରପାତି ବାହାରିଲେ କଣ ଫରକ ପଡିବ l

ରୀତୁର ଗାଁରେ ଦୁଇଦିନ ପାଇଁ ପାୱାର କଟାଯିବ ଶୁଣି ରୀତୁର ଆଖି ଅନ୍ଧାର ଦିଶିଲା,ଯାହା ଘରେ ସିନା ଇନଭେଟର ଅଛି ମେନେଜ କରିଦେବେ l ରୀତୁର ମୁଣ୍ଡରେ ବଜ୍ର ପଡିଗଲା କାରଣ ରବିବାର ଦିନଟି ହିଁ ଚାକିରିଆ ମାନଙ୍କ ପାଖରେ ଥାଏ, ଲୁଗାପଟା ସଫା ଠାରୁ ଆରମ୍ଭ କରି ଘର ସଫା l ବିନା ୱାସିଂଙ୍ଗ ମେସିନରେ ସଫା କରିବା କଷ୍ଟ, କେତେଥର ସ୍ୱାମୀଙ୍କୁ କହିଲାଣି ମେସିନ ଆଣିବାକୁ ପୁଣି ରବିବାରେ ମଟନ ନହେଲେ କାହା ଭାତ ହଜମ ହେବନି ମସଲା ହାତରେ ବାଟିବାକୁ ହେବ l

ଟିଭି ନଦେଖିଲେ ଜମା ଭଲ ଲାଗୁନି l ପାୱାର ନାହିଁ କଣ କରିବ ଆଗ କାଳରେ ଡ଼ିବିରିଜାଳି କେମିତି ଚଳୁଥିଲେ l ମୋବାଇଲଟା ଖରାପ ହୋଇଯାଇଛି ନହେଲେ ଗୀତ ଶୁଣିଶୁଣି କାମ କରିଦେଇଥାନ୍ତା l ସ୍ୱାମୀ ରଘୁ ନିପଟ ଅଳସୁଆ ଟିକେ ବି ସାହାଯ୍ୟ କରନ୍ତିନି l ଦୁଇଜଣ ତ ଚାକିରୀ ପୁରୁଷ ଚାକିରିରୁ ଆସି ରେଷ୍ଟ ନେବ କିନ୍ତୁ ସ୍ତ୍ରୀ ଘର ପିଲା କଥା ବୁଝିବ କି ଅଦଭୂତ ନିୟମ?

ଶାଶୁଶ୍ୱଶୁର ସବୁବେଳେ ପୁଅର ପକ୍ଷରେ ପରିବାରର ଅଭାବ ପାଇଁ ସିନା ଚାକିରି କଲି ନହେଲେ ଘରକାମ କରି ଶାନ୍ତିରେ ରହିଥାନ୍ତି l

ସାଙ୍ଗ ରିନା କହୁଥିଲା ଟାଇମ ପାସ ପାଇଁ ଚାକିରି କରୁଛି l କେତେ ଭାଗ୍ୟ ତାର ଚାକର ମାନେ ତାର ଘରକାମ କରିଦେଉଛନ୍ତି l ଟଙ୍କାର ଭୂମିକା ହିଁ ସବୁଠାରୁ ଅଧିକ l ରଘୁର ଯଦି ମଦ ପିଇବା ଅଭ୍ୟାସ ନଥାନ୍ତା ଦୁଇଜଣଙ୍କ ରୋଜଗାରରେ ପରିବାର ଖୁସିରେ ଚଳିଥାନ୍ତା l

ଇନଭେଟର ଟେ ତ ଆଣିଥାନ୍ତା ପୁଅ ଲାପଟପ ଟେ ପାଇଁ କାନ୍ଦୁଛି କହୁଛି ସବୁ ସାଙ୍ଗ ପାଖରେ ଲାପଟପ ଅଛି l ଘର ପାଇଁ ନୂଆନୂଆ ଯନ୍ତ୍ରପାତି ଆଣିଥାନ୍ତା l

ଗୋଟିଏ ବୋଲି ସ୍କୁଟି ଥିଲା ମାର୍କେଟରୁ ଜିନିଷ ଆଣିବା ପାଇଁ ସୁବିଧା ହେଉଥିଲା କିନ୍ତୁ ରଘୁ ମଦ ପିଇ ଗାଡି ଚଳେଇ ଆକ୍ସଇଡେଣ୍ଟ କରିଦେଇଛି l ଟଙ୍କା ଦେଲେ ଗାଡି ଆସିବ l

ମଣିଷର ସୁବିଧା ପାଇଁ କେତେ ଯନ୍ତ୍ରପାତି ବାହାରିଛି, କିନ୍ତୁ ଗରିବଙ୍କ ପାଇଁ?

ମଦ ନିଶା ଧନୀ ଗରୀବ ସମସ୍ତଙ୍କ ପରିବାର ଉଜାଡି ଦେଉଛି l

ରୀତୁ ଭଗବାନଙ୍କ ଉଦେଶ୍ୟରେ ହାତଯୋଡି କହିଲା ଭଲ ଘରଟି ଅଛି ଖାଇବାକୁ ଅଛି ଯନ୍ତ୍ରପାତି ନଥିଲେ କଣ ହେଲା? ଦୁନିଆରେ କେତେ ଗରୀବ ଅଛନ୍ତି ଘର ଖଣ୍ଡେ ନାହିଁ କି ଭଲ ଖାଇବାକୁ ପିନ୍ଧିବାକୁ ନାହିଁ l

ଯେତେ ଯୁଗ ବଦଳୁ ନୂଆନୂଆ ଯନ୍ତ୍ରପାତି ବାହାରୁ ଗରୀବଙ୍କ ପାଇଁ ଯନ୍ତ୍ରାଂଶର ଭୂମିକା କିଛି ନୁହେଁ l ଖାଲି ଭାବନା ଆଉ ସ୍ବପ୍ନ ରାଜ୍ୟରେ ବୁଲିବାହିଁ ହୋଇଥାଏ l