Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Sukanti Hotta

Abstract


5.0  

Sukanti Hotta

Abstract


ଅଦଭୂତ ପରମ୍ପରା

ଅଦଭୂତ ପରମ୍ପରା

2 mins 260 2 mins 260

ଲିତା ତିନି ଭାଇରେ ଗୋଟିଏ ଭଉଣୀ ଭାରି ଗେଲେଇ ଥିଲା l ସକାଳ ୮ ଟାରେ ବିନା ବ୍ରସ ରେ ବେଡରେ ବସି ପ୍ରଥମ ଚା ପିଇଲା ପରେ ଶେଜ ତ୍ୟାଗ କରୁଥିଲା l ବାହାଘର ପରେ ସକାଳ ୬ ଟାରେ ଉଠି ସମସ୍ତଙ୍କ ପାଇଁ ଚା ବନେଇବା ଲିତା କୁ ଭାରି ପଡୁଛି l ପୁଣି ବାର ମାସରେ ତେର ପର୍ବ l ମାର୍ଗଶୀର ଗୁରୁବାର ସବୁଠୁ କଷ୍ଟ ଭୋର ଚାରିଟା ରାତିରୁ ମୁଣ୍ଡ ଧୋଇ ଗାଧୋଇ ପିଠାପଣା କରି ପୂଜା ସାରି ଅଫିସ ଯିବା l


ଲିତା ମନେମନେ ଭାବୁଛି କାହିଁକି ବାହାଘର ଜଞ୍ଜାଳରେ ପଡିଲି ବଡ଼ ଆରାମରେ ଘରେ ଥିଲି l ଖାଇବା ଭଲ ହେଇନି ବୋଲି କେତେ କହୁଥିଲି l ଚାକର ରାମୁକୁ ରାଗୁଥିଲି l ନିଜେ କଲାପରେ ଜଣାପଡୁଛି ରୋଷେଇ ସବୁବେଳେ ସମାନ ହୁଏନି କେବେ ରାଗ, ଲୁଣି ଅଲଣା ହୋଇଯାଉଛି l ସମସ୍ତଙ୍କ ମନ ରଖିବାକୁ ଯେତେ ଚେଷ୍ଟା କଲେବି ଅସଫଳ ହେଉଛି l


ଦେଖିବାକୁ ଆସିବା ବେଳେ ଶାଶୁ ଶ୍ୱଶୁର ଝିଅ ଝିଅ ଡାକୁଥିଲେ l ଲିତା ଭାବୁଥିଲା ଝିଅର ଆସନ ଦେଇ ରଖିବେ କିନ୍ତୁ ସବୁ ଓଲଟା ଜନ୍ମିତ ଝିଅ ହିଁ ଝିଅ l ବୋହୂ କେବେ ଝିଅ ହେଇପାରେନା l ଝିଅ ଡେରିରେ ଉଠିଲେ ଯାହା ଖାଇଲେ ଯାହା କହିଲେ ଆକଟ ନାହିଁ ବୋହୂ ପାଇଁ ସବୁ ଆକଟ l


କି ଅଦଭୂତ ପରମ୍ପରା ଚାରିଟା ରାତିରୁ ଉଠି ଝୋଟି ଦେଇ ଦଶ ପ୍ରକାର ପିଠାପଣା କରି ମାଆ ଲକ୍ଷ୍ମୀଙ୍କୁ ପୂଜା କଲେ ମାଆ ସନ୍ତୁଷ୍ଟ ହୁଅନ୍ତି l ଏତେ ପିଠାପଣା ବଡ଼ କଷ୍ଟରେ କରାହୁଏ ପୁଣି ଖାଇଲେ ଦେହରେ ଯାଉନି l


ଶାଶୁ ଶ୍ୱଶୁରଙ୍କ ପୁଣି ଆକଟ ଗୁରୁବାରେ କାହାକୁ ପଇସା ଦେବୁନି କିଛି ଦେବୁନି l ସତରେ ଗରୀବ ଅସହାୟଟି କି ବିକଳରେ ମାଗୁଥିଲା ମାଆ ଖାଇବାକୁ ମୁଠେ ଦିଅ, ପୂଜା ନହେଲେ ଦିଆ ଯିବନି l


ଲିତା ଭାବି ଚାଲିଛି ଲକ୍ଷ୍ମୀ ମାଆ କେଉଁଥିରେ ସନ୍ତୁଷ୍ଟ ଲକ୍ଷ୍ମୀ ମାଆଙ୍କୁ ହିଁ ଜଣା l ସେପଟୁ ଶାଶୁ ଦୟାଦେବୀ ଙ୍କ କର୍କଶ ସ୍ୱରରେ ଚିଲେଇବା ଶୁଣାଗଲା ଭୋଗଥାଳି ଜଲଦି ବାଢେ ତୋ ଶ୍ୱଶୁରଙ୍କୁ ଭୋକ ହୋଇଯିବ l


ଲିତା ଭାବନା ରାଜ୍ୟରୁ ଫେରି ଘଣ୍ଟାର କଣ୍ଟାଟିକୁ ଦେଖିଲା ୯ଟା ବାଜିଲାଣି ଜଲଦି କାମ ସାରିଲେ ଅଫିସ ଯିବ l କି ଅଦଭୂତ ଜୀବନ କହି ହେଉନି କି ସହି ହେଉନି l ଶାଶୁ କେବେ ହେଲେ ମାଆ ହେବନି l


Rate this content
Log in

More oriya story from Sukanti Hotta

Similar oriya story from Abstract