Best summer trip for children is with a good book! Click & use coupon code SUMM100 for Rs.100 off on StoryMirror children books.
Best summer trip for children is with a good book! Click & use coupon code SUMM100 for Rs.100 off on StoryMirror children books.

Dr Rashmita Panigrahi

Abstract


2.7  

Dr Rashmita Panigrahi

Abstract


ରିଅା

ରିଅା

2 mins 3.1K 2 mins 3.1K

   ରିଆ...... l କପେ ଚା ମିଳିବ ? ଡ୍ରଇଂ ରୁମରେ ଥାଇ ଡାକ ପକାଇଲେ ଓମକାର ବାବୁ, ବିଶିଷ୍ଟ ଆଡ଼ଭୋକେଟ l କୋର୍ଟରୁ ଫେରି କ୍ଲାନ୍ତ ଶରୀର ଟାକୁ ସୋଫା ଉପରେ ଲଦି ଦେଇ ନିୟୁଜ ଉପରେ ଟିକିଏ ଆଖି ପକାଇବେ ବୋଲି, ଏତିକି ବି ସମୟ ତାଙ୍କୁ ମିଳୁନି l ଗୋଟିଏ ପରେ ଗୋଟିଏ ଫୋନ l ଶୁଭେଚ୍ଛାର ସୂଅ ଛୁଟି ଆସୁଛି କାରଣ ସେ ଆଜି ଗୋଟିଏ ବାଜିମାତ କରି ଆସିଛନ୍ତି l ଜଣେ ଆଇନ ଜୀଵୀ ହିସାବରେ 11ଜଣ ରେପିଷ୍ଟଙ୍କୁ ସେ ଫାଶି ଦଣ୍ଡାଦେଶ କରାଇଛନ୍ତି l 

     ନବମ ଶ୍ରେଣୀର ଛାତ୍ରୀ ରିଆ l ନିଛାଟିଆ ରାସ୍ତାରେ ଘରୁ ଖାଇ ଫେରୁଥିବା ସମୟରେ ଏ ବଦମାସ ଗୁଡିକ ତାକୁ ଟେକି ନେଇ ନିଜ କାମ ବାସନାକୁ ଚରିତାର୍ଥ କରିଛନ୍ତି l ସେତିକି ରେ ସେମାନଙ୍କ ମନ ପୂରିନି, ସେ ଝିଅକୁ ନେଇ ଜଣକ ଘରେ ରଖିଛନ୍ତି l ଲଗାତର 21ଦିନର ନିର୍ଯ୍ୟାତନାକୁ ସହି ସାରିବl ପରେ ବିଚରା ଝିଅଟିର ମୃତ୍ୟୁ ହେଇ ଯାଇଛି l ଶବକୁ ବି ଏମାନେ ଛାଡି ନାହାନ୍ତି l ଖିନଭିନ କରି ଖାଇ ସାରିବା ପରେ ବଡି(body)ଟାକୁ ପାର୍ଟ ପାର୍ଟ କରି ଅଲଗା ଅଲଗା ଜାଗାରେ ଫିଙ୍ଗି ଦେଇଛନ୍ତି l

      ସ୍କୁଲକୁ ଇନ ଟାଇମ ରେ ନ ଫେରିବାରୁ ପ୍ରଧାନଶିକ୍ଷକ ଘରକୁ ଜଣାଇ ଛନ୍ତି l ମା'ବାପା ଚାରିଆଡେ ଖୋଜି ସାରିବା ପରେ ଆଇନ ର ଆଶ୍ରୟ ନେଇଛନ୍ତି l ସେଇ କେସ ଆଜକୁ 15 ବର୍ଷ ଧରି ଚାଲି ଆସିଛି, ଆଉ ଆଜି ତା'ର ଦି ଏଣ୍ଡ (the end) କରେଇ ଆସିଛନ୍ତି ଓମକାର ବାବୁ ଅତି ସୁନ୍ଦର ଭାବରେ l

      ଅଦାଲତ ରୁ ଫେରିବା ବାଟରେ ଫେରାର ହେଇ ଯାଇଛନ୍ତି  ଅପରାଧୀ l ସେମାନଙ୍କର ପତ୍ତା ଏ ଯାଏଁ ମିଳିନି l ଖୁବ ଜୋରରେ ତନାଘନା ଚାଲିଛି, କେଜାଣି ପୋଲିସର ହାତକୁ ଆସିବେ କି କେଉଁ ଗଳିବାଟରେ ଲୁଚିଯିବେ !

       ଗରମlଗରମ ଚା'କପ ସହ କିଛି ସ୍ନାକ୍ସ ନେଇ ରିଆ ଆସିଛି ଡ୍ରଇଂ ରୁମକୁ ଆଉ କପଟା ବଢ଼ାଇ ଦେଇଛି ଓମକାର ବାବୁଙ୍କ ହାତକୁ l ରିଆ, ତାଙ୍କ ନୂଆ ମେଡ(maid)ମାସେ ହେଵ ଜଏନ କରିଛି, ଏମିତି ୟା ଆଗରୁ ଅନେକ ଗଲେଣି l ଚା'କପ ଟା ବଢା଼ଉ ବଢା଼ଉ ତା ସାଲୱାର ର ଉତ୍ତରୀ ଟା ଟିକିଏ ଖସିଯାଇଛି l ଓମକାର ବାବୁଙ୍କ ଡାହାଣl ଆଖି ଦୁଇଟା ସେଇଠି ପୂରା ଅଟକି ଯାଇଛି l ହାତରେ ଗରମ ଚା ଟିକିଏ ଚହଲି ପଡି ଯିବାରୁ ସେ ପ୍ରକୃତିସ୍ଥ ହେଇଛନ୍ତି, ଆଉ ମ୍ୟାଡ଼ାମ କଣ କରୁଛନ୍ତି ଜାଣିବାକୁ ଚାହିଁଛନ୍ତି l" ମ୍ୟାଡ଼ାମ ଆପଣଙ୍କୁ ଫୋନ କରିଥିଲେ, ଆଉ ମେସେଜ ବି, କିନ୍ତୁ ଆପଣ ରିପ୍ଲାଇ ନ ଦେବାରୁ ସେ ଏକା ଯାଇଛନ୍ତି ସୁଜାତା ମ୍ୟାମଙ୍କ ଆନିଭର୍ସରୀ ପାର୍ଟିକୁ l ତାଙ୍କର ଫେରିବାକୁ ଲେଟ ହେଵ l ମୁଁ ରାତିର ରୋଷେଇ ସାରି ଦେଇଛି, ଆପଣ ଖାଇ ନେବେ l ମ୍ୟାଡ଼ାମ ସେଇଠୁ ଡ଼ିନର କରି ଫେରିବେ କହିଛନ୍ତି l "

        ଏତକ କହି ଖାଲି ଚା'କପଟା ଉଠାଇ ନେଇ ଧୋଇ ରଖି ଦେବା ପରେ ସେ ତା'ସ୍କୁଟିର ଚାବିଟା ନେବାକୁ ରୋଷେଇଘର ଭିତରକୁ ଗଲା l ସେଇଠି ସବୁଦିନ ସେ ତା'ପର୍ସ ରଖେ l ପର୍ସ ଟା ଉଠେଇ ଆଣି, ରୋଷେଇ ଘର ଲାଇଟ ଅଫ କରି ବାହାରି ଆସିଛି, ଦେଖେ ତ ଓମକାର ବାବୁ ତା'ପଛେ ପଛେ l ଆଉ ସେ କିଛି କହିବା ଆଗରୁ ତା'ପାଟିକୁ ହାତରେ ବନ୍ଦ କରି ତାଙ୍କ ବେଡ଼ରୁମକୁ ଟାଣି ନେଇଯାଇଛନ୍ତି ରିଆକୁ l ନିଜକୁ ମୁକୁଳେଇବାର ଶତ ଚେଷ୍ଟା କରିଛି, ତଥାପି ମହାବଳ ବାଘର ପଞ୍ଝାରୁ ମୁକୁଳିବା ହୁଏତ ସହଜ, ହେଲେ ଜଣେ ନାରୀମାଂସ ଲୋଭୀ ର ପଞ୍ଝାରୁ ମୁକୁଳି ପାରିନି ରିଆ l


Rate this content
Log in

More oriya story from Dr Rashmita Panigrahi

Similar oriya story from Abstract