Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Dr Rashmita Panigrahi

Tragedy Crime


4  

Dr Rashmita Panigrahi

Tragedy Crime


ପୋଷ୍ଟ ମର୍ଟମ

ପୋଷ୍ଟ ମର୍ଟମ

4 mins 23.2K 4 mins 23.2K

              

    

    ସେଦିନ ଆଲିୟାଙ୍କର ଦିନରେ ଡ୍ୟୁଟି ଥିଲା l ଏମ.ବି.ବି.ଏସ ସରିବା ପରେ ସେ ଆଜକୁ ସାତ ବର୍ଷ ହେଲାଣି ଏଇ ହସ୍ପିଟାଲରେ ସର୍ଜରୀ ବିଭାଗରେ କାର୍ଯ୍ୟ କରି ଆସୁଛନ୍ତି, ସ୍ୱାମୀ ଅଭିଷେକ, ସେ ମଧ୍ୟ ଏଇ ହସ୍ପିଟାଲରେ ସିନିୟର ସର୍ଜରୀ ଏକ୍ସପର୍ଟ ଭାବେ କାର୍ଯ୍ୟରତ l ହଠାତ ଆଲିୟା ତାଙ୍କର ଜଣେ ସହଯୋଗୀଙ୍କୁ ଫୋନ କରି କହିଲେ ଦେଖନ୍ତୁ ଆଜି ଗୋଟିଏ ବି ଡେଡ ବଡି ଆସି ନାହିଁ, ତେଣୁ ଆପଣ ବିଳମ୍ବରେ ଆସିଲେ ଚଳିବ l ଏତିକି ବେଳେ ସର୍ଜରୀ ୱାର୍ଡକୁ ପଶି ଆସିଲେ କିଛି ସାଧା ପୋଷାକଧାରୀ ପୋଲିସ l ସେମାନେ ଆସି ଦେଖନ୍ତି ଆଲିୟା ତାଙ୍କ ସିଟରେ ନାହାନ୍ତି, ୱାର୍ଡ ଡ୍ୟୁଟିରେ ଯାଇ ଥାଇ ପାରନ୍ତି l ଗୋଟିଏ ଘଟଣାର ଅନୁସନ୍ଧାନ ପାଇଁ କିଛି ତଥ୍ୟ ନେବାକୁ ଆସିଥିଲେ l ଡା. ଆଲିୟା ନ ମିଳିଲେ, ସିନିୟର ସର୍ଜରୀ ଏକ୍ସପର୍ଟ ଡା. ଅଭିଷେକ ମିଳିଗଲେ ବି କାମ ହେଇଯିବ l ସର୍ଜରୀ ୱାର୍ଡର ଟିକିଏ ଦୂରରେ ପୋଷ୍ଟମର୍ଟମ ୱାର୍ଡ l ହଠାତ ସେମାନେ କଣ ଦେଖିଲେ ! ଡା. ଆଲିୟା ପୋଷ୍ଟମର୍ଟମ ୱାର୍ଡ ଭିତରୁ ଅଣନିଶ୍ୱାସୀ ହୋଇ ବାହାରି ଆସୁଛନ୍ତି l     

         କାହାର ପୋଷ୍ଟମର୍ଟମ ଥିଲା ସେମାନେ କନଫର୍ମ ହେଲା ବେଳକୁ, ଆଶ୍ଚର୍ଯ୍ୟର ସୀମା ରହିଲା ନାହିଁ l ଏ ତ ସିନିୟର ସର୍ଜରୀ ଏକ୍ସପର୍ଟ ଡା. ଅଭିଷେକଙ୍କ ବଡି (body). ପ୍ରଶ୍ନ ପରେ ପ୍ରଶ୍ନରେ ସେମାନେ ଆଲିୟାଙ୍କୁ ପୋତି ପକେଇଲେ l ଆଲିୟା ଶାନ୍ତ ଭାବରେ କହିଲେ, "ଦେଖନ୍ତୁ ମୁଁ ଅତ୍ୟନ୍ତ ମର୍ମାହତ l ଆପଣଙ୍କ ସମସ୍ତ ପ୍ରଶ୍ନର ଉତ୍ତର ମୋ ପାଖରେ ନାହିଁ l କେବଳ ଏତିକି କହିବି ସାର, ୱାସ ରୁମକୁ ଯିବେ କହି ଗଲେ, ଫେରିଲା ବେଳକୁ ହଠାତ କିନା ଟଳି ପଡିଲେ, ଆଉ ତାଙ୍କର ନର୍ଭ କାମ କଲାନି l କ୍ଷଣିକ ରେ ପୂରା ଦେହଟା ନୀଳ ପଡିଗଲା l ନିମିଷକେ ସବୁ ଶେଷ ହେଇଗଲା l କାହିଁକି ଏମିତି ହେଲା, ଘଟଣାର ସତ୍ୟାସତ୍ୟ ଜାଣିବା ପାଇଁ ମନର କୋହକୁ ଚାପି ରଖି ବଡି(body)କୁ ଇମିଡ଼ିଏଟ ପୋଷ୍ଟମର୍ଟମ ପାଇଁ ନେଲି l ସେଠିକି ଗଲା ବେଳକୁ ଡା. ସରୋଜ ଯିଏ ପୋଷ୍ଟମର୍ଟମ କରନ୍ତି, ଅନୁପସ୍ଥିତ ଥିଲେ l କେବେ କେବେ ମୁଁ ଇନ ଚାର୍ଜ ବି ରହିଛି l ତେଣୁ କାଳବିଳମ୍ବ ନ କରି ମୁଁ ନିଜେ ଛାତିକୁ ପଥର କରି ଏ କାମ ସାରିଛି l ତାଙ୍କ ମୃତ୍ୟୁର କାରଣ କୌଣସି ଭୟଙ୍କର ବିଷଧର ସର୍ପର ଦଂଶନ l ଆଶ୍ଚର୍ଯ୍ୟ ! ଏତେ ବଡ ହସ୍ପିଟାଲ ଭିତରକୁ ଏଇ ବିଷାକ୍ତ ସାପ ଆସିଲା କେଉଁଠୁ ! ଏବେ ଏଇ କୁନିପିଲାକୁ ଏକୁଟିଆ ମୁଁ କିପରି ସମ୍ଭାଳିବି?ଏତକ କହି ଭୋ ଭୋ କରି କାନ୍ଦି ଉଠିଲେ ଡା. ଆଲିୟା l 

     ମୃତ ଡା.ଅଭିଷେକଙ୍କୁ ହସ୍ପିଟାଲ ତରଫରୁ ଗୁଡ଼ାଏ ଅଫର ଦିଆଗଲା, କାରଣ ହସ୍ପିଟାଲର ସୁରକ୍ଷା ଅଭାବରୁ ଏପରି ଜଣେ ସିନିୟର ଡାକ୍ତରଙ୍କୁ ତା'ର ପରିଣାମ ଭୋଗିବାକୁ ପଡିଲା l ଆଉ ଡା.ଆଲିୟା ପୂରା ବିନମ୍ରତାର ସହିତ ସେ ସବୁକୁ ସେଇ ହସ୍ପିଟାଲର ସୁରକ୍ଷା ଉଦ୍ଦେଶ୍ୟରେ ଉତ୍ସର୍ଗ କରି ଘରକୁ ଫେରିଲେ l 

        ଘର ର କବାଟ ଖୋଲିଲା ପରେ ଝିଅକୁ ତା ରୁମରେ କିଛି ଖାଇବାକୁ ଦେଇ, ନିଜେ ଡ୍ରଇଂ ରୁମର ସୋଫା ଉପରେ ଲଥ କିନା ବସି ପଡିଲେ l ସତେ ଅବା ଏକ ମହାଭାରତର ପରିସମାପ୍ତି ଘଟିଲା l

       କାଲି ପରି ଲାଗୁଛି l ଆଲିୟା ଓ ଅଭିଷେକ ଏସ.ସି.ବି. ମେଡିକାଲର ଫାଷ୍ଟ ଇୟରରେ ଥିଲେ l ଉଭୟ ଉଭୟଙ୍କୁ ଲାଇକ କରିବା ଆରମ୍ଭ କଲେ l ଆଲିୟାର ଆଇ.କ୍ୟୁ. ଆଉ ଅଭିଷେକର ସିନିଅରିଟି ଏ ଉଭୟଙ୍କୁ ଆହୁରି ପାଖକୁ ଭିଡିଆଣିଲା l ଉଭୟେ ସେଇ ଫାଷ୍ଟଇୟରରେ ହିଁ ପାରିବାରିକ ସମ୍ମତି କ୍ରମେ ବିବାହ କରି ନେଲେ l ଖୁସିରେ ଖୁସିରେ ସମୟ, ପାଠ ପଢ଼ା, ଝିଅ ଅମାୟରା ର ଜନ୍ମ ସବୁକିଛି ବେଶ ଠିକଠାକ ଚାଲିଥିଲା l ଆଲିୟା ନିଜକୁ ସବୁ ଠାରୁ ସୁଖୀ ବୋଲି ମନେ କରୁଥିଲେ l ଶଶିକଳା ପରି ଅମାୟରା ବଢିବାକୁ ଲାଗିଲା l 

       କୋର୍ସ ସାରିବା ମାତ୍ରେ ଅଭିଷେକ ପୋଷ୍ଟିଙ୍ଗ ପାଇଗଲେ ତାଙ୍କର ଭଲ ପରସେଣ୍ଟ ମାର୍କ ପାଇଁ l ଆଉ ଆଲିୟା ଘର ସମ୍ଭାଳିବାରେ ଏତେ ବ୍ୟସ୍ତ ହେଇଗଲେ ଯେ, ଏପଟେ ଧ୍ୟାନ କମିଗଲା l ଯାହା ଫଳରେ ତାଙ୍କୁ ତିନି ବର୍ଷ ଲାଗିଗଲା ପୋଷ୍ଟିଙ୍ଗ ପାଇବାକୁ l ଅଭିଷେକଙ୍କ ବାପା ଭାରି ପାରିବାର, ସେ ଖୁବ ସହଜରେ ଆଲିୟାଙ୍କୁ ସେଇ ଏକା ହସ୍ପିଟାଲକୁ ନେଇ ଆସିଲେ l

      ହସ ଖୁସିରେ ବେଶ କିଛି ବର୍ଷ କଟିଗଲା l ଚାକିରୀ କରିବାର କଷ୍ଟ ଆଲିୟା ଜାଣି ପାରିଲେନି, କାରଣ ଯାହା ବି ଟିକିଏ ପ୍ରବ୍ଲେମ ଆସିଲେ ଅଭିଷେକ ସଂଗେ ସଂଗେ ହେଲ୍ପ କରି ଦେଉଥିଲେ l 

   ସେଦିନ ଉଭୟଙ୍କର ସେମ ଟାଇମ ରେ ଡ୍ୟୁଟି ଥାଏ l ଆଲିୟା ଦିନର ଖାଇବା ନିଜେ ତିଆରି କରି ତାକୁ ନେଇ ଟିକିଏ ପଛରେ ଆସନ୍ତି l ସକାଳେ ଅମାୟରା ର ହୋମୱାର୍କ ଦେଖି ବସିଲା ବେଳକୁ ନଜର ଆସିଲା ତା'ର ପ୍ରୋଗ୍ରେସିଭ କାର୍ଡ l ତିନି ତିନି ଟା ପେରେଣ୍ଟସ' ମିଟିଙ୍ଗକୁ ସେମାନେ ଯାଇ ନାହାନ୍ତି l ଦସ୍ତଖତ ଗୁଡ଼ାଏ ବାକି ଅଛି ଉଭୟଙ୍କର l ଆଲିୟା ପ୍ରୋଗ୍ରେସିଭ କାର୍ଡଟା ଧରି ଉଠି ଆସିଲେ ସିଧା ହସ୍ପିଟାଲ ଅଭିମୁଖେ l ଭାବି ଥିଲେ ଅଭିଷେକ ଠୁଁ ଦସ୍ତଖତଟା ନେଇ ଅମାୟରା ର ସ୍କୁଲକୁ ଯାଇ ପ୍ରିନସିପାଲ ଙ୍କୁ ଭେଟି ଆସିବେ l

     ହସ୍ପିଟାଲରେ ପହଞ୍ଚି ଦେଖନ୍ତି ଅଭିଷେକ ତାଙ୍କ ଚେମ୍ବରରେ ନାହାନ୍ତି l ମନରେ ଟିକିଏ ଖଟକା ଲାଗିଲା l ସମୟ ସକାଳ 7.30 ବାଜିଛି l ତାଙ୍କର ୱାର୍ଡ ଡ୍ୟୁଟି ତ 9ଟା ରେ, ତେବେ କୁଆଡେ ଯାଇ ଥିବେ ସେ l ଆଗରୁ ତାଙ୍କ କାନରେ ଅଭିଷେକଙ୍କୁ ନେଇ ଅନେକ କଥା ପଡିଛି, ତେବେ ସେସବୁ ସେ ଅଣ ଦେଖା କରିଛନ୍ତି, କାରଣ ଜଣେ ଭଲ କ୍ୟାରିୟର ତିଆରି କରିନେଲେ ଅନ୍ୟମାନେ ଈର୍ଷl ପରାୟଣ ହୋଇଯାଆନ୍ତି l ସେଇଥିପାଇଁ କଣ ନାଇଁ କଣ ଯୋଡିଯାଡ଼ି କହୁଛନ୍ତି, ହେଲେ ଆଲିୟାଙ୍କୁ କିଛି ବି ଫରକ ପଡ଼େନି l 

      ଭାବିଲେ ବସିକି ଅପେକ୍ଷା କରିବା ଅପେକ୍ଷା ଦେଖି ନିଏ ଆଖପାଖରେ l ଏ କଣ ଦେଖୁଛନ୍ତି ! 17ନମ୍ବର ରୁମ ରେ ଫ୍ୟାନ ଦୁଇଟା ଖରାପ ହେଇ ଯାଇଥିଲା l ରୋଗୀ ମାନେ ହଇରାଣ ହେଉଥିବେ l ଆଉ ଟିକିଏ ଆଗେଇ ଯାଇ ଦେଖନ୍ତି ସେ ରୁମ ଭିତରୁ ବନ୍ଦ ହେଇଚି l ମନରେ ପାପ ଛୁଇଁଲା l ହସ୍ପିଟାଲ କଥା ନା, କେତେ ସୁବିଧା ଅସୁବିଧା ଏ ଜାଗାରେ ରହିଛି l ସେ ଧିରେ ଧିରେ ଯାଇ କବାଟ ଫାଙ୍କ ଦେଇ ଭିତରକୁ ଲକ୍ଷ୍ୟ କଲେ l ଅସ୍ପଷ୍ଟ ଯାହା ବି ଦେଖିଲେ, ଯାହା ବି ଶୁଣିଲେ, ବିଶ୍ୱାସ କରି ପାରିଲେନି l ଫେରି ଆସିଲେ ମୁଖ୍ୟ ଦ୍ୱାର ପାଖକୁ l ସେ ରୁମରେ ଲାଗି ଥିବା ସି.ସି. କେମେରା ଫୋଟେଜ କୁ ଅନ୍ କରି ଯାହା ଦେଖିଲେ ତାଙ୍କ ପାଦ ତଳୁ ମାଟି ଖସିଗଲା l ସେ ବିଶ୍ୱାସ କରି ପାରୁ ନ ଥିଲେ ନିଜ ଆଖିକୁ, ଅଭିଷେକ କେମିତି ସେ ନର୍ସଟା ଦେହରେ ନେସି ହେଇଯାଉ ଥିଲେ l ଜାଣି ହେଉ ନ ଥିଲା ସେଇଠି ଜଣେ ନା ଦୁଇଜଣ ଅଛନ୍ତି ! ସତଟା ଯଦି ଏୟା ତେବେ କଣ ପ୍ରତି ରାତ୍ରିରେ ଅଭିଷେକ ନାଇଟ ଡ୍ୟୁଟି କରିବା ବାହାନା ରେ.... ! ଛି.. ଛି..., ଆଉ ଆଗକୁ ସେ ଭାବି ପାରିଲେନି l 

         ମୁଣ୍ଡଟା ବିଗିଡି ଗଲା ଆଲିୟାଙ୍କର l ଝିଅକୁ ବିଶ୍ରାମକକ୍ଷରେ ବସିବାକୁ କହି ହସ୍ପିଟାଲ ଲ୍ୟାଣ୍ଡ ଲାଇନରୁ କଲ କରି ଅଭିଷେକଙ୍କୁ ଗୋଟିଏ ଏମରଜେନସି ପୋଷ୍ଟମର୍ଟମର ଅର୍ଡ଼ର ଆସିଛି ବୋଲି ଜଣାଇ ଦେଲେ ଟିକିଏ ଚେଞ୍ଜଡ ଭୟେସ ରେ lଅଭିଷେକ କାଳ ବିଳମ୍ବ ନ କରି ନିଜ ଚେମ୍ବରକୁ ଆସି ଦେଖନ୍ତି ଆଲିୟା, ଝିଅ ଅମାୟାରା କୁ ଧରି ତାଙ୍କୁ ଅପେକ୍ଷା କରିଛନ୍ତି l ସେ ପୂରା ଝାଳନାଳ ହେଇଗଲେ l 

           ଆଲିୟା ଅଳ୍ପ ହସି କହିଲେ ଟିକିଏ ଦସ୍ତଖତ ପାଇଁ ଆମେ ମା'ଝିଅ କେତେ ସମୟ ବସିବୁ? ତାପରେ ସେ ଗୋଟିଏ ଫଳ ରସ ବୋତଲ ଧରାଇ ଦେଲେ ପିଇବାକୁ l ଏମିତିରେ ବି ଅଭିଷେକଙ୍କ ଗଳା ଭୟରେ ଶୁଖିଯାଉଥିଲା l ସେ ଢଗ ଢଗ କରି ବୋତଲ ଟା ଖାଲି କରିଦେଇ ପୋଷ୍ଟମର୍ଟମ କରିବାକୁ ଚାଲିଗଲେ l ତାଙ୍କ ପଛେ ପଛେ ଆଲିୟା l ବାସ ପୋଷ୍ଟମର୍ଟମ ଟେବୁଲ ପାଖ ପହଁଚୁ ପହଁଚୁ ଅଭିଷେକ ଟଳି ପଡିଲେ l ଖୁବ କଷ୍ଟରେ ଆଲିୟା ବଡି(body)ଟାକୁ ନିଜେ ଚିରି ପକେଇଲେ l ଏମିତି ଡାକ୍ତର ହସ୍ପିଟାଲ ପାଇଁ କଳଙ୍କ, ସମଗ୍ର ସ୍ୱାସ୍ଥ୍ୟ ବିଭାଗ ପାଇଁ ଦାଗ ଆଉ ମଣିଷ ଜାତି ପାଇଁ ଅଯୋଗ୍ୟ ll

    


Rate this content
Log in

More oriya story from Dr Rashmita Panigrahi

Similar oriya story from Tragedy