Library
Profile
ମୋବାଇଲ ଦୁନିଆ ୨
ମୋବାଇଲ ଦୁନିଆ ୨
ଏକ ସାଧାରଣ ଉଚ୍ଚ ମଧ୍ୟବିତ୍ତ ଘର । ଶ୍ୟାମସୁନ୍ଦର ମଙ୍ଗରାଜ ଅଫିସରୁ ଆଜି ଜଲଦି ଫେରି ଆସିଛନ୍ତି।କାହିଁକି ନା ଆଜି ତାଙ୍କ ଝିଅର ମାଟ୍ରିକ ଫଳ ପ୍ରକାଶ ପାଇବାର ଥିଲା। ଝିଅ ସ୍ମୃତି ଘରେ ବସିଥିବା ସମୟରେ
ଶ୍ୟାମସୁନ୍ଦର :
ହେ କ୍ୟୁଟି ପାଏ। ହିଆର ଇଜ ୟୌର ଗିଫ୍ଟ ବେଟା।
ସ୍ମୃତି :
ବାପା ଗିଫ୍ଟ! କଣ ପାଇଁ ବାପା।କଣ ଅଛି ତା ଭିତରେ।
ଶ୍ୟାମସୁନ୍ଦର:
ମୁଁ ତୋତେ ଯାହା ଦେବି ବୋଲି ପ୍ରମିଜ କରିଥିଲି ବେଟା।
ଗିଫ୍ଟଟିକୁ ଖୋଲିବା ପରେ
ସ୍ମୃତି:
ଏ ନୂଆ ମୋବାଇଲ।ମୋ ବାପା ମୋ ପାଇଁ ସୁପର ମ୍ୟାନ।
ସୁନନ୍ଦା :
(ରୋଷେଇ ଘରେ ରୋଷେଇ କରୁଥିବା ସମୟରେ ବାହାର ପାଟି ତୁଣ୍ଡ ଶୁଣି ବାହାରି ଆସିଛନ୍ତି)କ'ଣ ଚାଲିଛି।ନୂଆ ମୋବାଇଲ।ଏବେ ୟାର କ'ଣ ଦରକାର ଥିଲା।ତୁମେ ତୁମ ଝିଅକୁ ବଢାଣିଆ କରିପକାଉଛ। ଆରେ ଆଜି ତ ତାର ଫଳ ପ୍ରକାଶ ହେବାର ଥିଲା କ'ଣ ହେଲା ସେ କଥା।
ଶ୍ୟାମସୁନ୍ଦର : ଆରେ ସୁନନ୍ଦା ସେଇଥିପାଇଁ ତ ମୁଁ ଆଜି ଏତେ ଖୁସ
ି।ଜାଣିଛ,ଆମ ଝିଏ ଏ ବର୍ଷର ମାଟ୍ରିକ ପରୀକ୍ଷାରେ ସର୍ବମୋଟ ୫୪୦ ନମ୍ବର ରଖି ବ୍ଲକ ଟପ୍ପର ହୋଇଛି।ମୁଁ କ'ଣ ମାଗଣାରେ ଏତେ ଟଙ୍କା ଖର୍ଚ୍ଚ କରିଛି ନା କଣ ।
ସ୍ମୃତି:
ୟେସ,ୟେସ,ୟେସ।ମୁଁ କରି ଦେଖେଇଛି।
ଶ୍ୟାମସୁନ୍ଦର :
ହଁ ଯେତେ ହେଲେ ତୁ କା ଝିଅ କି। ଆରେ ମୁଁ ତ ଭୁଲି ଗଲି ଏ ନିଅ ମିଠା।ସୁନନ୍ଦା ଭାରି ଭୋକ ହେଲାଣି ଖାଇବାକୁ ବାଢ଼।
ସୁନନ୍ଦା:
ହେଉ ଚାଲ।
ଶ୍ୟାମସୁନ୍ଦର : ଆଉ ହଁ। ଆଜି ରାତିରେ ଟିକେ ଭଲ ଓ ଅଧିକ ରାନ୍ଧିବ।କାହିଁକି ଆଜି ମୋର କିଛି ସାଙ୍ଗ ଆସିବେ ।ଆଜି ରାତିରେ ଫୁଲ ଆନ ପାର୍ଟି ହେବ। କ୍ୟୁଟି ପାଇ ତୁ ମଧ୍ୟ ତୋ ସାଙ୍ଗ ମାନଙ୍କୁ ଡାକି ଦେ। ଆଜି ମୁଁ ଭାରି ଖୁସି
ସ୍ମୃତି:( ନିଜ ମୋବାଇଲ ଅନାଇ ) ଠିକ ଅଛି ବାପା।
ଉକ୍ତ ଦିନ ରାତିରେ ମଙ୍ଗରାଜ ପରିବାରରେ ଖୁସିର ଲହରୀ ଓ ଫୁଲ ପାର୍ଟି ହେଲା । କିନ୍ତୁ ଏ ପାର୍ଟିରେ ସ୍ମୃତି ବଧେ ନଥିଲା କାରଣ ସେ ହଜିଯାଇଥିଲା ତା ନୂଆ ସାଙ୍ଗ ମୋବାଇଲ ଭିତରେ।
