"ମୋ ସପନ ଗାଡି "
"ମୋ ସପନ ଗାଡି "
ବୈଶାଖ ମାସର ପ୍ରଚଣ୍ଡ ରୌଦ୍ରତାପ ଅଗ୍ନିରେ ଆହୁତି ଦେଲା ପରି ଯନ୍ତ୍ରଣା ଅନୁଭବ ହେଉଥାଏ l ଯେଉଁଆଡେ ଚାହିଁବ ଗ୍ରୀଷମର ଉଜାଣି ସ୍ରୋତ ଦlବାଗ୍ନିର ପ୍ରଚଣ୍ଡ ତାପ ପରି ମୁହଁକୁ ପୋଡି ଦେଉଥାଏ l ଗ୍ରୀଷ୍ମର ତାଡ଼ନାରେ ଏବଂ ସୂର୍ଯ୍ୟଙ୍କର ଉତ୍ତପ୍ତ କିରଣରେ ଦିନବେଳା ପିଶାଚୀ ରଜନୀର ଭୟଙ୍କର ପରି ନିରବ, ନିସ୍ତବ୍ଧ ଆଉ ଶୂନଶାନ ଲାଗୁଥାଏ l ଗୃହ ଭିତରୁ ପଦାକୁ ବାହାରିଲେ ଦେହରେ କରେଣ୍ଟ ସକ ଲାଗିଲା ପରି ହୃଦବୋଧ ହୁଏ l ସୂର୍ଯ୍ୟଙ୍କର ଉତ୍ତପ୍ତ ତାପରେ ସମଗ୍ର ସ୍ଥଳଭାଗ ନଈର ତତଲା ବାଲିରେ ଚାଲିଲା ପରି ବହୁତ ପୀଡା ଅନୁଭବ ହେଉଥାଏ l ଦେହରୁ ଝାଳ ଗଙ୍ଗା ଯମୁନା ପ୍ରବାହିତ ହେଲା ପରି ଖାଲି ନିର୍ଗତ ହୁଏ l ଏମିତି ଗୁଳଗୁଳି ଲାଗୁଥାଏ ଯେ ସତେକି ବସନ୍ତ ରୋଗୀ ବସନ୍ତ ଋତୁରେ ଡହକ ବିକଳ ହେଲା ପରି ଲାଗେ l ଖାଲି ଗରମରେ ନୃସିହଁ ବିଦାରିଲା ପରି ବିଦାରିବାକୁ ଇଚ୍ଛା ହୁଏ l
ଠିକ ଦିନ ବାର ଘଣ୍ଟା ହେବ l ଗ୍ରୀଷ୍ମର ପ୍ରଚଣ୍ଡ ତାପକୁ ଖାତିର ନ କରି ଦୁଇ ଜଣ ସାଙ୍ଗ କର୍ମକ୍ଷେତ୍ରକୁ ବାହାରି ପଡିଲେ ଆମ୍ବ ତୋଳିବା ପାଇଁ l ଦୁହେଁ ବାଟରେ ଯାଉ ଯାଉ ଏକ ବିରାଟ ବରଗଛ ଟିଏ ତପସ୍ବୀ ଋଷିଙ୍କ ପରି ଚତୁଃର୍ଦିଗକୁ ଜଟ ଲମ୍ବାଇ ତପସ୍ୟା କରିବାରେ ନିମଗ୍ନ ଥାଏ l ଦୁହେଁ ଯାଇ କିଛି ସମୟ ସେହି ବରଗଛ ମୂଳେ ଆଶ୍ରୟ ନେଲେ l ଭାରି ଥଣ୍ଡା ଅନୁଭୂତ ହେଉଥାଏ l ସତେକି ଦୁହିଁଙ୍କୁ ହିମାଳୟର ହିମଛାୟା ତଳେ ରହିଲା ପରି ଲାଗୁଥାଏ l ସେହି ସ୍ଥାନଟି ଦେଖିବାକୁ ଯେମିତି ସୁନ୍ଦର ଠିକ ସେହିପରି ଶୀତଳ ମଧ୍ୟ l ଗ୍ରୀଷ୍ମର ପ୍ରଚଣ୍ଡ ତାପ ଆଉ ଦଇଜଣଙ୍କୁ ଅସହ୍ୟ ମନେ ହେଲା ନାହିଁ l ଦୁହେଁ ଆରାମରେ ଗଛକୁ ଆଉଜି ମାଙ୍କଡ଼ଙ୍କ ପରି ବିଶ୍ରାମ ନେଲେ l ସତେକି ଦୁଇ ଜଣଙ୍କୁ ହିମାଳୟ ପାଦ ତାଳେ ଆଶ୍ରୟ ନେଲା ପରି ହୃଦବୋଧ ହେଉଥାଏ l ସୁଲୁସୁଲିଆ ପବନ ସାଙ୍ଗକୁ ଝିଙ୍କାରିର ଝିଇଁ ଝିଇଁ କଣ୍ଠ ସ୍ୱର ଡେ଼କରୁ ଗୀତ ଶୁଣିଲା ପରି ମନେ ହେଉଥାଏଦୁହେଁ ଗୀତ ଶୁଣି ଶୁଣି ସେହି ବୃକ୍ଷ ମୂଳରେ ଢୁଳାଇଲେ ଥଣ୍ଡା ପବନରେ ଦୁହେଁ ମୋହିତ ହୋଇ ସେଠାରେ ଶୋଇ ପଡିଲେ l ଆରାମରେ କୁମ୍ଭକର୍ଣ୍ଣ ପରି ଘୁଙ୍ଗୁଡ଼ି ମରିବାକୁ ଲାଗିଲେ l
ସେହି ବୃକ୍ଷରେ କେଉଁ କାଳରୁ ବସବାସ କରି ଆସୁଥିଲା ଗୋଟିଏ ବିରାଟକାୟ ଜନ୍ତୁଟିଏ l ଦେହସାରା ତାର କଳା କିଟିକିଟି ଅନ୍ଧାର ପରି ତା ରଙ୍ଗ, ମଝିରେ ମଝିରେ ମହାବଳ ବାଘର ପଟା ପଟା ଦାଗ ପରି ଚି଼ହ୍ନ ଆଉ ଲାଞ୍ଜଟି ତାର ହାତୀ ପରି ଲମ୍ବା ଓ ମୁଣ୍ଡଟି ଦେଖିବାକୁ ଗବ କଇଁଛ ପରି ଲମ୍ବା l ଲମ୍ବା ତାର ପାଞ୍ଚ ଫୁଟ କି ଛଅ ଫୁଟ ହେବ କିନ୍ତୁ ମୋଟା ସିଏ କୁମ୍ଭୀର ପରି l ଦାନ୍ତ ଗୁଡିକ ଅତି ତୀକ୍ଷ୍ଣ କିନ୍ତୁ ତାର କୌଣସି ଗୋଡ଼ ନାହିଁ l ସେ ହେଉଛି ସରୀସୃପ ଜାତୀୟ ପ୍ରାଣୀ l ଗୁରୁଣ୍ଡି ଗୁରୁଣ୍ଡି ଛୋଟ ପିଲା ପରି ଯାଏ ଓ ଶୁଙ୍ଘି ଶୁଙ୍ଘି ତାର ଖାଦ୍ୟ ଅନ୍ୱେଷଣ କରେ l ଯିଏ ଦେଖିଦେବ ଏଭଳି ଭୟଙ୍କର ବିଚିତ୍ର ସରୀସୃପଟିକୁ ତାର ପିଳେହି ପାଣି ହେଇଯିବ l
ଏ ଯନ୍ତୁଟି ଯେତେବେଳେ ମନୁଷ୍ୟ ବାସ୍ନା ଆଘ୍ରାଣ କରେ ସେତେବେଳେ ଧୀରେ ଧୀରେ ଏପାଖରୁ ସେ ପାଖକୁ ହୋଇ ମାଙ୍କଡ଼ ପରି ଚାରିଆଡେ ଖୋଜି ବୁଲେ l ତାପରେ ସେହି ବାସନା ଦିଗରେ ଗତିଶୀଳ ହୁଏ l ଦିନରେ ସେହି ଯନ୍ତୁକୁ ଦେଖା ନଗଲେ ମଧ୍ୟ ମନୁଷ୍ୟ ବାସନା ତାକୁ ଏତେ ଅତିଷ୍ଟ କରିଦେଇ ଥାଏ ଯେ ସତେ କି ପ୍ରେମିକ ତାର ପ୍ରେମିକାକୁ ଖୋଜିଲା ପରି ସେ ବାରମ୍ବାର ଖୋଜି ବୁଲୁଥାଏ l ପ୍ରଭୁ ରାମଚନ୍ଦ୍ର ଯେପରି ମାୟା ମୃଗକୁ ପାଇବା ଆଶାରେ ବଶୀଭୂତ ହୋଇ ଶିକାର କରିବାକୁ ମାୟା ମୃଗ ପଛରେ ଗୋଡ଼ାଇଥିଲେ, ଏହି ଜନ୍ତୁଟି ମଧ୍ୟ ପାଟିରୁ ଲାଳ ଗଡ଼ାଇ ଆହାର ପାଇବା ଆଶାରେ ଏଣେ ତେଣେ ଖୋଜି ବୁଲୁଥିଲା l
ଧୀରେ ଧୀରେ ବିରାଡ଼ି ଯେପରି ଛପି ଛପି ଯାଇ ମୂଷାକୁ ଶିକାର କରିଲା ପରି ଆସି ଦୁଇଜଣଙ୍କ ନିକଟରେ ହାଜର ହେଲା l ନିଲୁ ଆଗରୁ ଶୋଇ ଏକ ସୁନ୍ଦର ସ୍ବପ୍ନଟି ଭିଡିଓ ଦେଖିଲା ପରି ଦେଖୁଥାଏ l ନିଲୁ ତାର ବଡ଼ ଭାଇ ପିଠିରେ ବସି ମଜାରେ ଖେଳୁଥାଏ l ଏହିପରି ସେ ସ୍ବପ୍ନ ଦେଖି ଆନନ୍ଦରେ ଅଧୀର ହୋଇ ପଡୁଥାଏ l ସେପଟେ ବିରାଟକାୟ ଜନ୍ତୁଟି ଦୁଇ ଜଣଙ୍କ ପାଖରେ ପହଞ୍ଚି ଭଲ ରୂପେ ଶୁଂଘୁଥାଏ l ଦୁଇଜଣ ନିଲୁ ଓ ସିଲୁ ଶୋଇବାରେ ଅନ୍ଧ ଓ ଜନ୍ତୁଟି ଦିନବେଳେ ଅନ୍ଧ l ନିଲୁର ଘୁଙ୍ଗୁଡ଼ି ମରିବା ଶବ୍ଦରେ କିଏ ମଧ୍ୟ ତାର ପାଖ ମାଡୁ ନଥିଲେ l ଦୂରରୁ ଦେଖି ଦଣ୍ଡବତ କରୁଥିଲେ l ଏହି ଜନ୍ତୁଟି ମଧ୍ୟ ଭୟ ପାଇ ପଳାଇ ଯିବାକୁ ସ୍ଥିର କଲା l କିନ୍ତୁ ଖାଇବାରେ ଲାଳସା ତାକୁ ଏପରି ପାଗଳ କରି ଦେଇଥାଏ ଯେ ପାଟିରୁ ଲାଳ ବାହାର କରି କୁକୁର ପରି ଜଗି ବସିଥିଲା l
ଏହି ସମୟରେ ନିଲୁକୁ ପିମ୍ପୁଡିଟିଏ କାମୁଡି ଦେବାରୁ ସେ ଜୋରରେ ଗର୍ଜନ କରି ଓ ଅଡା ଭଳିଆ ହାଇ ମାରି ତାର ଦୁଇଟି ପାଦକୁ ଟେକି ଜନ୍ତୁ ଉପରେ ରଖିଦେଲା l ଫଳରେ ଜ ଜନ୍ତୁ ଉପରେ ପଥର ପଡିଲା ପରି ଲାଗିଲା l ଭୟ ପାଇ ଚୋରଙ୍କ ପରି ଖସି ଚାଲିଯିବାକୁ ଉଦ୍ୟମ କଲା l ସେପଟେ ନିଲୁକୁ ସୋଫାରେ ଗୋଡ଼ ରଖି ଗଭର୍ଣ୍ଣର ଶୋଇଲା ପରି ଲାଗୁଥାଏ l ଯେତେବେଳେ ସେହି ଜନ୍ତୁଟି ଗାଡି ପରି ବୁଲି ପଳାଇ ଯିବାକୁ ଚେଷ୍ଟା କଲା ସେତେବେଳେ ନିଲୁର ଗୋଡ଼ ଦୁଇଟି ଖସି ପଡିଲା ଓ ସେ ଗାଡ଼ିରୁ ତଳେ ପଡିଲା ପରି ତାର ମୁଣ୍ଡଟି ଯାଇ ଜନ୍ତୁ ଉପରେ ରହିଗଲା l ହଠାତ ଆକାଶରୁ ବଜ୍ରପାତ ପଡିଲା ଭଳି ଜନ୍ତୁଟିକୁ ଲାଗିଲା ଓ ସେ ଆହୁରି ପ୍ରବଳ ଭୟ ପାଇ କୌଣସି ମୋ ଠାରୁ ବଡ଼ ଜନ୍ତୁ ହୋଇଥିବ ଭାବି ଏବଂ କାଳେ ମୋ ଉପରେ ଆକ୍ରମଣ କରିଛି ଏକଥା ମନେ ମନେ ଭାବି ସେ ଧୀରେ ଧୀରେ ପଳାଇ ଯିବାକୁ ଚେଷ୍ଟା କଲା l କ୍ରମଶଃ ଗଡ଼ାଣିଆ ରାସ୍ତା ହୋଇଥିବାରୁ ଜନ୍ତୁଟି ଯେମିତି ଖସି ଚାଲିଗଲା ନିଲୁ ସେମିତି ସେହି ଗଡ଼ାଣିଆ ଜାଗାରେ ଚକ ଗଡ଼ିଲା ପରି ଗଡି ଗଡି ଗଲା ଓ ଜନ୍ତୁ ଉପରେ ହଠାତ ଯାଇ ମୁହଁ ମାଡି ବସି ପଡିଲା l ଫଳରେ ଲଗାମ ଛଡା l ଘୋଡା ପରି ଜନ୍ତୁଟି ଆଗକୁ ଆଗକୁ ଚାଲିଲା l ଓ ତାହାରି ଉପରେ ନିଲୁ ଶୋଇ ଆନନ୍ଦରେ ଚାଲିଲା l ସେପଟେ ସପନରେ ନିଜ ଭାଇ ପିଠିରେ ବସି ଖେଳୁଥାଏ l ଏପଟେ ଜନ୍ତୁ ଉପରେ ବସି ତାହାକୁ କୁଣ୍ଢାଇ ଧରି ଆରାମରେ ଯାଉଥାଏ l
ଯେତେବେଳେ ଜନ୍ତୁଟି ଗଛକୁ ଯାଇ ଚଢିବା ଆରମ୍ଭ କଲା, ସେତେବେଳେ ନିଲୁ ତଳେ ଭୋତ ଭାତ ହୋଇ ଖସି ପଡିଲା ଓ ସପନରେ ତା ଭାଇ ପିଠିରୁ ପଡିଲା ଭଳି ଲାଗିଲା l ଓ ସେ ସ୍ୱପ୍ନରେ ବାଉଲେଇ ହୋଇ ରହ ରହ ମୋର......ଗାଡି...... ରହ...... ରହ..... କହିଲା ବେଳକୁ ସିଲୁର ନିଦ ଭାଙ୍ଗିଗଲା ଓ ଦେଖିଲା ବେଳକୁ ତା 'ର ପାଖରେ ନିଲୁ ନାହିଁ l ଗୋଟିଏ ଲତl ପାଖରେ ଯାଇ ମୁଣ୍ଡିଆ ମାରି ଶୋଇ ଖାଲି ବାଉଳେଇ ହେଉଛି l ଯେଉଁ ଗାଡ଼ିରେ ବସିବାକୁ ସେ ରହ ରହ ବୋଲି ଡାକୁଛି ତାହା ହେଉଛି ଗୋଟିଏ ବିରାଟକାୟ ଅଜଗର ସାପ l ନିଲୁକୁ ଖାଇବା ପାଇଁ ଚାତକ ପକ୍ଷୀ ପରି ଚାହିଁ ରହିଛି l
ସିଲୁ ହଠାତ ଉଠିପଡ଼ି ନିଲୁ ପାଖକୁ ଧାଇଁ ଗଲା lଗୋଟିଏ ଚାପିଡାଟିଏ ତାର ଗାଲକୁ ଜୋରରେ କଷି କରି ଦେଲା l ଫଳରେ ନିଲୁକୁ ଘଡଘଡି ମାରିଲା ପରି ଲାଗିଲା lପ୍ରାଣ ବିକଳରେ ଉଠି ପଡ଼ି ଗାଲକୁ ଧରି ସେ ଖାଲି କାନ୍ଦିବାକୁଆରମ୍ଭ କଲା l ସେ ଧକେଈ ଧକେଇ କାନ୍ଦୁଥିବା ସମୟରେ ହଠାତ ତା ନଜର ବୋଡା ସାପ ଉପରେ ପଡିଲା l ସେମିତି ସିଏ ଇୟୋ ....... ବୋପl ............ ମା... ଲୋ.... କହି ସେଠାରୁ କୋଡିଏ ହାତ ଦୂରକୁ ଚାଲିଗଲା l
ସl ପଟି ସିଲୁର ଚାପୁଡ଼ା ଶବ୍ଦରେ ଆହୁରି ଭୟଭୀତ ହୋଇ ସେହି ବୃକ୍ଷ ଗହଲରେ ଲୁଚି ପଡିଲା l ସିଲୁ ତୋର କି ବ୍ରହ୍ମାଣ୍ଡ ଚାପୁଡ଼ାରେ , ମୋର ସବୁଦିନ ପାଇଁ ମୋ ମନରେ ସ୍ମୃତି ହୋଇ ରହିଗଲା l
ଆଉ କି ଆମ୍ବ ଖାଇବା ସିଲୁ, ସାପା ତ ଆମକୁ ଆମ୍ବ କରି ଖାଇ ଦିଅନ୍ତା l ଚାଲ ଘରକୁ ଫେରିଯିବା l ଏଠାରେ ରହିବା ବିପଦ l ତୋର ଚାପୁଡ଼ା ଯୋଗୁଁ ମୁଁ ଆଜି ସାପ କବଳରୁମୁକ୍ତି ପାଇପାରିଲି l ଆଉ ମୋ ଭାଇ ଉପରେ ଚଢି ମୁଁ ଯେଉଁ ସପନ ଦେଖୁଥିଲି ତାହା ମଧ୍ୟ ଆଜି ସାକାର ହୋଇଛି l