ମିଠା ପଣ
ମିଠା ପଣ
ଦିନ ଦଶଟା ହେବ ସେପଟରୁ ମିଲି ଭାଉଜ ଖାଲି କଂସା ଟେ ହାତରେ ଧରି ବୋଉ କୁ ଆସି କହିଲା -"ସାନଉ ପଖାଳ ଭାତ ଅଛି ଦିଇଟା ଦେଲ ତମ ନାତୁଣୀ ଖାଇବ । "
ବୋଉ କହିଲା -- " କାଇଁ ତମର କଣ ହେଇଚି କି ? "
ଦାଣ୍ଡ ପିଣ୍ଢା ରେ ବସୁ ବସୁ ମିଲି ଭାଉଜ କହିଲେ -" କଣ କହିବି ସାନଉ , କାଲି ରବି ସାଙ୍ଗ ରେ ମେଘୁନ ବସି ଗପ ସପ କରୁଥିଲେ ଯେ ଖାଇବା ବେଳେ ରବି ଡାକିଲେ ତାଙ୍କ ସାଙ୍ଗ ରେ ଖାଇବାକୁ । ତାକୁ ଆଉ ମନା କରିହେବ ? ପୁଣି ରାଧୁ ଅଜା ସେଠି ବସିଥିଲେ ଯେ ବାପା ଡାକିଲେ ସାଙ୍ଗରେ ଖାଇବାକୁ । ମୋତେ ବାପା ପଚାରିଲେ ," ମାଆ ଆଉ ପଖାଳ ଅଛି ? "
ମୁଁ ଆଉ କ'ଣ ମନା କରିଥାନ୍ତି ? କହିଲି ହଁ ପଖାଳ ଅଛି , ତମେ ଖାଅ ମୁଁ ଆଉ ଗୋଟେ କଂସା ରେ ଅଜା ଙ୍କୁ ଦେଉଛି । ଆଉ ଯାହା ଦିଇ ବକ୍ତ ଥିଲା ଆମେ ମାଆ ଝିଅ ଦିଇ ଜଣ ଖାଇଥାନ୍ତୁ । ଏ ସାନ ର ଭଉଣୀ ଆସିଥିଲା ଯେ ଆଜି ସକାଳୁ ଗଲା ଖାଇକି , ଆଉ ପୋଛା ପୋଛି ଥିଲା ୟେ କାମକୁ ଗଲେ ଖାଇକି ଆମ ମାଆ ଝିଅ ବେଳକୁ ହାଣ୍ଡି ଖାଲି ସାନଉ ମୋର ନହେଲା ନାହିଁ ମୋ ଝିଅ ଦିଇଟା ଭାତୁଆ ପିଲା ପଖାଳ ଦିଇଟା ନ ଖାଇଲେ ନଚଳେ । ଆଉ କିଛି ଦିନଯାକ ନଖାଆନ୍ତୁ ପଛେ ପଖାଳ ଦିଇଟା ଖାଇଦେଲେ ତାଙ୍କର ଶାନ୍ତି । "
ଏତିକି କଥା ଭିତରେ ମଧୁ ( ମୋ ପତ୍ନୀ ) ପଖାଳ ଅଧ କଂସା ଆଣି ମିଲି ଭାଉଜ ହାତକୁ ବଢାଇ ସାରିଲାଣି ।
ବୋଉ କହିଲା - " ଏଇ ଆଉ ଦିଇଟା ଅଧିକ ଦେ ମାଆ ଝିଅ ତିନି ଙ୍କୁ ହେବନି । "ମୁଁ ଟ୍ୟୁବଓ୍ବେଲ ପାଖରେ ଗାଧୋଉଥିଲି ଆଉ ଏ ସବୁ ଦେଖି ଭାବୁଥିଲି । ସତରେ ଏମିତି ମିଠା ପଣ କେବଳ ଗାଁ ରେ ହିଁ ଦେଖିବାକୁ ମିଳେ ।