Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

puspalata samantary

Inspirational


5.0  

puspalata samantary

Inspirational


କଲା କର୍ମ ମଣିଷକୁ ବଡ କି ସାନ କରେ

କଲା କର୍ମ ମଣିଷକୁ ବଡ କି ସାନ କରେ

2 mins 454 2 mins 454

ହରେକୃଷ୍ଣ ବାବୁଙ୍କ ପୁଅ ଦୁଇଜଣ ବାହାରେ ରହି ଏକ ନାମକରା ଆଇନି କଲେଜରେ ପଢୁଥିଲେ । ହରେକୃଷ୍ଣ ବାବୁ ତାଙ୍କ ପତ୍ନୀଙ୍କ ସହ ତୀର୍ଥ ଭ୍ରମଣରେ ଯିବାକୁ ବାହାରିଲେ । ଟ୍ରେନ୍ ଟା ସେହି ବାଟ ଦେଇ ଯିବାକୁ, ତେଣୁ ପୁଅ ଦୁଇ ଜଣଙ୍କୁ ହରେକୃଷ୍ଣ ବାବୁ ଜଣାଇଲେ,ତୁମେ ଦୁଇଜଣ ଷ୍ଟେସନକୁ ଆସି ଆମକୁ ଦେଖା କରିବାକୁ, ମା ତୁମକୁ ଦେଖିବା ପାଇଁ ବହୁତ ଇଚ୍ଛୁକ । ଠିକ୍ ସେହି ଷ୍ଟେସନରେ ଟ୍ରେନ୍ ଟି ଲାଗିଲା । ହରେକୃଷ୍ଣ ଦମ୍ପତ୍ତି ଓହ୍ଲାଇ ଟିକିଏ ଆଗକୁ ଚାହିଁ ଦେଖିଲେ ପୁଅ ଦୁଇଜଣ ଧାଇଁ କରି ଆସୁଛନ୍ତି । ବଡପୁଅ ପହଞ୍ଚି ବାପା ମାଙ୍କ ପାଦ ଛୁଇଁ ପ୍ରଣାମ ଜଣାଇଲା । ସାନପୁଅ ବେପରୁଆ ଭାବରେ ଆସି ଠିଆ ହେଲା । କିଛି ସମୟ ପରେ ଟ୍ରେନ୍ ଛାଡିବାର ସଂକେତ ଦେଲା, ବଡ ପୁଅ ପୁଣି ବାପା ମାଙ୍କ ପାଦଛୁଇଁ ପ୍ରଣାମ ଜଣାଇ ବିଦାୟ ଦେଲା,ସାନପୁଅ ହାତ ହଲାଇ ବାଏ ବାଏ କରି ବିଦାୟ ଦେଲା । ହରେକୃଷ୍ଣ ଦମ୍ପତ୍ତି ଟ୍ରେନ୍ କୁ ଚଢିଗଲେ ।


ହରେକୃଷ୍ଣ ବାବୁ ଟିକିଏ ବିମର୍ଶ ଜଣାପଡୁଥାନ୍ତି, କିଛି ସମୟ ପରେ ପତ୍ନୀ ପଚାରିଲେ କାହିଁକି ଅନ୍ୟମନସ୍କ ରହୁଛ କିଛି ଭାବୁଛ କି ?ହଁ ଭାବୁଛି, କହିଲେ ହରେକୃଷ୍ଣ ବାବୁ । ତୁମେ କିଛି ଅନୁଭବ କଲ କି ନାହିଁ?ତୁମେ କେଉଁ କଥା କହୁଛ?ମୁଁ ଜାଣିପାରୁନି । ଦେଖିଲ ବଡପୁଅ ଦେଖିବା ବେଳେ ଏବଂ ବିଦାୟ ଦେବାବେଳେ ପାଦଛୁଇଁ ପ୍ରଣାମ କଲା ,ସାନପୁଅ ବେପରୁଆ ଭାବରେ ହାତ ହଲାଇ ବାଏ କରି ବିଦାୟ ଦେଲା । ଓ ତୁମେ ଏଇ ଛୋଟିଆ କଥା ପାଇଁ ଏତେ ଭାବୁଛ ?ଠିକ୍ ବୟସ ହୋଇଗଲେ ସେ ଠିକ୍ ହୋଇଯିବନି?ମା ମନର ଉଦାରତା, ସହିଷ୍ନୁ ପଣିଆକୁ ନେଇ ପତ୍ନୀ ଉତ୍ତର ଦେଲେ, କିନ୍ତୁ ବାପା ସେ କଥାକୁ ସମର୍ଥନ କରିପାରିଲେନାହିଁ । କହିଲେ ମଣିଷର ବ୍ୟବହାରିକ ଗୁଣ,ଆଚରଣ ଓ କର୍ମକୁ ନେଇ ମଣିଷ ବଡ କିମ୍ବା ସାନ ହୋଇଥାଏ । ଧୀରେ ଧୀରେ ସମୟର ପୃଷ୍ଠା ଓଲଟି ପୁଅ ଦୁଇଜଣ ପାଠଶେଷ କରି କର୍ମ ସଂସ୍ଥାନ ପାଇଁ ଉଦ୍ୟମ କଲେ । ବଡପୁଅ କୋର୍ଟରେ ଦୁଇତିନି ବର୍ଷ ଓକିଲାତି କରି,ବିଚାରପତି ପାଇଁ ପରୀକ୍ଷା ଦେଇ ଉତ୍ତୀର୍ଣ୍ଣ ହୋଇ, ବିଚାରପତି ଭାବରେ ଖ୍ୟାତି ଅର୍ଜନ କରି ସମସ୍ତଙ୍କର ସ୍ନେହ ଭାଜନ ହେଲେ । ସାନପୁଅ ବହୁକଷ୍ଟରେ କିରାଣୀ ଚାକିରି ଖଣ୍ଡିଏ କରି ଜୀବିକା ନିର୍ବାହ କରୁଥାଏ । ହରେକୃଷ୍ଣ ବାବୁଙ୍କ ପତ୍ନୀ ଏତେଦିନ ପରେ ସେଦିନ ଟ୍ରେନ୍ ରେ କହିଥିବା ସ୍ଵାମୀଙ୍କ କଥା କୁ ମନରେ ଭାବୁଥାନ୍ତି ।


Rate this content
Log in

More oriya story from puspalata samantary

Similar oriya story from Inspirational