ବଞ୍ଚିବା ଭୁଲିଗଲି (ଅଣୁଗଳ୍ପ)

ଛୋଟ ଥିଲି l କେବେ ବଡ଼ ହେବି ବୋଲି ମରିଯାଉଥିଲି l

ବଡ଼ ହୋଇ ବିଦ୍ୟାଳୟରେ ପଢୁଥିବା ବେଳେ କେବେ କଲେଜ ଯାଇ ବହୁତ ମଜା କରିବି ବୋଲି ମରିଯାଉଥିଲି l କଲେଜରେ ଗାର୍ଲଫ୍ରେଣ୍ଡଟିଏ ପାଇବା ପାଇଁ ମରିଯାଉଥିଲି l ଗାର୍ଲଫ୍ରେଣ୍ଡ ପାଇବା ପରେ କେବେ ସରକାରୀ ଚାକିରୀ ଖଣ୍ଡେ ପାଇବି ବୋଲି ମରିଯାଉଥିଲି l

ସରକାରୀ ଶିକ୍ଷକ ହେବା ପରେ କେବେ ମୋ ଗାର୍ଲଫ୍ରେଣ୍ଡକୁ ବାହାହେବି ବୋଲି ମରିଯାଉଥିଲି l

ବାହାଘର ସରିଲା ପରେ କେବେ ବାପା ହେବି ବୋଲି ମରି ଯାଉଥିଲି l ପିଲା ଛୁଆଙ୍କୁ କେମିତି ଭଲ ସ୍କୁଲରେ ପାଠ ପଢ଼େଇ ବଡ଼ ମଣିଷ କରିବି ସେଥିପାଇଁ ମରିଯାଉଥିଲି l

ପିଲାମାନଙ୍କ ପାଇଁ କେମିତି ଉପଯୁକ୍ତ ପାତ୍ରଟିଏ ଖଞ୍ଜି କେମିତି ହାତକୁ ଦିହାତ କରିବି ସେଥିପାଇଁ ମରିଯାଉଥିଲି l

ଏବେ ବୁଢ଼ା ଅବସ୍ଥାରେ ମୁଁ ରୁଗ୍ଣ ହୋଇ ମରିବା ଅବସ୍ଥାରେ l

ହଠାତ ମୋ ମନକୁ ପଶିଲା ଆରେ ମୁଁ ତ ବଞ୍ଚିବାଟା ପୁରା ଭୁଲିଗଲି l