FEW HOURS LEFT! Exclusive FREE session on RIG VEDA for you, Register now!
FEW HOURS LEFT! Exclusive FREE session on RIG VEDA for you, Register now!

Lokanath Rath

Abstract Classics Inspirational


4  

Lokanath Rath

Abstract Classics Inspirational


ବିଶ୍ୱାସ

ବିଶ୍ୱାସ

2 mins 301 2 mins 301


ସୁନିତା ଘରେ ଠାକୁରଙ୍କ ପାଖରେ ଦୀର୍ଘ ପନ୍ଦର ଦିନ ଧରି ଦୀପ ଜାଳି ବସିଛନ୍ତି । ସେ ସବୁ କିଛି ତାଙ୍କ ଉପରେ ଛାଡି ଦେଇଛନ୍ତି । ନିଜର ସ୍ୱାମୀ ରଞ୍ଜନ ଯେବେଠାରୁ ହସ୍ପିଟାଲରେ ପଡିଛନ୍ତି ଅତି ମୁର୍ମୁଷ ସ୍ଥିତିରେ । ଡାକ୍ତର ଭି ତିନି ଦିନ ପୂର୍ବରୁ କହି ଦେଇଛନ୍ତି ସବୁ ପ୍ରକାରର ଚିକିସା ଚାଲିଛି, କିନ୍ତୁ କିଛି କାମ କରୁ ନାହିଁ । ଏବେ କେବଳ ସେହି ଭଗବାନ ହିଁ ସାହା ।

ରଞ୍ଜନ ବାବୁ ଜଣେ ସରକାରି ଅଧିକାରୀ । ପନ୍ଦର ଦିନ ତଳେ ନିଜେ ଗାଡି ଚଲାଇ ଯାଉଥିବା ବେଳେ ରାସ୍ତାରେ ଦୁର୍ଘଟଣା ଘଟିଲା । ସେଥିରେ ରଞ୍ଜନ ବାବୁଙ୍କର ମୁଣ୍ଡରେ ବହୁତ ଆଘାତ ଲାଗିଥିଲା । ଅତିଶୟ ରକ୍ତ ବୋହି ଯାଇଥିଲା ଓ ସେବେ ଠାରୁ ସେ ବେହୋସ ହୋଇ ପଡିଛନ୍ତି । ତାଙ୍କୁ ରକ୍ତ ବି ଦିଆ ଯାଇଛି , ତଥାପି ସେ ସେହିପରି ଅବସ୍ଥା ରେ ଅଛନ୍ତି । ଡାକ୍ତର କହୁଛନ୍ତି ମସ୍ତିଷ୍କ କାମ କରୁନାହିଁ, କେବଳ ଏହାର ଚିକିତ୍ସା ବିଦେଶରେ ହିଁ ସମ୍ଭବ । ସୁନିତା ଏକା କିପରି ସେ ବିଦେଶକୁ ନେବେ ?ଅର୍ଥ ନାହିଁ କି ନିଜର କେହି ନାହିଁ ତାଙ୍କୁ ସାହାଯ୍ୟ ହେବାକୁ । ତେଣୁ କେବଳ ଭଗବାନ ହିଁ ସାହା ଭରଷା । ତାଙ୍କ ପାଖରେ ଦୀପ ଜାଳି ଆଖି ଲୁହରେ ସେ ତାଙ୍କୁ ଡାକୁଛନ୍ତି । ସୁନିତାଙ୍କର ପୁରା ବିଶ୍ୱାସ ଭଗବାନ ତାଙ୍କୁ ସାହା ହେବେ ।ଜୀବନରେ ତାଙ୍କର ପ୍ରତ୍ୟେକ ସମୟରେ ଭଗବାନ ତାଙ୍କୁ ରକ୍ଷା କରିଛନ୍ତି । ଆଜି ବି ସେ କିଛି ରାସ୍ତା ଦେଖାଇବେ, ଠିକ ସେତିକିବେଳେ ରଞ୍ଜନ ବାବୁଙ୍କର ସହକର୍ମୀ ଆସି ଖବର ଦେଲେ ଯେ ଆମେରିକାରୁ ମସ୍ତିଷ୍କ ରୋଗର ବିଶେଷଜ୍ଞ ଆସିଛନ୍ତି ଓ ଏବେ ସେ ହସ୍ପିଟାଲ ଆସିବେ ।ତେଣୁ ସୁନିତାଙ୍କୁ ଯାଇ ତାଙ୍କ ସାଙ୍ଗରେ କଥା ହେଲେ ସେ ଚିକିତ୍ସା ଆରମ୍ଭ କରିବେ । ସୁନିତା ଠାକୁରଙ୍କୁ ମୁଣ୍ଡିଆ ମାରି ହସ୍ପିଟାଲ ବାହାରିଗଲେ । ସେଠି ପହଞ୍ଚି ଡାକ୍ତରଙ୍କ ସହିତ କଥା ହେଲେ । ସେ ଅପେରସନ କରିବାକୁ କହିଲେ । ଖର୍ଚ୍ଚ ପାଞ୍ଚ ଲକ୍ଷ ଟଙ୍କା ହେବ । ସୁନିତା ସେଥିରେ ରାଜି ହେଇଗଲେ । ଦୁଇଦିନ ସମୟ ନେଲେ ଟଙ୍କା ଜମା କରିବାକୁ । ରଞ୍ଜନ ବାବୁଙ୍କ ଚିକିତ୍ସା ଆରମ୍ଭ ହେଲା । ସୁନିତା ଟଙ୍କାର ଯୋଗାଡ଼ ପାଇଁ ନିଜର ସମସ୍ତ ଅଳଙ୍କାର ବିକ୍ରି କରିଦେଲେ । ତଥାପି ଆହୁରି ଲକ୍ଷେ ଟଙ୍କା ଦରକାର କିଛି ବୁଦ୍ଧି ଦିଶୁ ନଥିଲା । ସେ ରଞ୍ଜନ ବାବୁଙ୍କର ସହକର୍ମୀ ଅଶୋକ ବାବୁ ଙ୍କୁ କହିଲେ ,"ଘରକୁ ବନ୍ଧା ପକାଇ ଟଙ୍କା ନେବାକୁ । "ପ୍ରଥମେ କେହି ରାଜି ହେଉ ନଥିଲେ । ଜଣେ ଜଣାଶୁଣା ବ୍ୟକ୍ତି ଜରିଆରେ ସେ ବ୍ୟବସ୍ତା ହେଇଗଲା । ସୁନିତା ହସ୍ପିଟାଲରେ ଟଙ୍କା ଜମା କରିଦେଲେ । ରଞ୍ଜନ ବାବୁଙ୍କର ଅପେରସନ ଭି ସଫଳ ଭାବରେ ହେଲା । ତିନି ଦିନ ପରେ ରଞ୍ଜନ ବାବୁ ଆଖି ଖୋଲିଲେ । ଡାକ୍ତର ବି କହିଲେ, ଏବେ ସବୁ ଧୀରେ ଧୀରେ ଠିକ ହେଇଯିବ । ସେଇ ହସ୍ପିଟାଲରେ ଥିବା ଠାକୁରଙ୍କ ଆଗରେ କାନ୍ଦି କାନ୍ଦି ତାଙ୍କୁ କୃତଜ୍ଞତା ଜଣାଇଲେ ସୁନିତା ଦେବୀ । ଆଉ ଦଶ ଦିନ ପରେ ରଞ୍ଜନ ବାବୁ ହସ୍ପିଟାଲରୁ ଘରକୁ ଆସିଲେ । ସୁନିତା ଘରେ ତାଙ୍କୁ ଠାକୁରଙ୍କର ଆଶୀର୍ବାଦ ନେବାକୁ କହିଲେ, ଯାହା ସବୁ ଘଟିଥିଲା ସବୁ ଶୁଣିଲା ପରେ ରଞ୍ଜନ ବାବୁ କହିଲେ "ସୁନିତା ତୁମର ବିଶ୍ୱାସ ହିଁ ଭଗବାନଙ୍କୁ ସନ୍ତୁଷ୍ଟ କରି ପାରିଲା । ମୋତେ ସେ ଏକ ନୂଆ ଜୀବନ ଦେଲେ । ତାଙ୍କୁ କୋଟି କୋଟି ପ୍ରଣାମ ।"



Rate this content
Log in

More oriya story from Lokanath Rath

Similar oriya story from Abstract