ଯତନ କରିଲେ ରତନ ମିଳଇ
ଯତନ କରିଲେ ରତନ ମିଳଇ
ଯତନ କରିଲେ ରତନ ମିଳଇ
ଭୁଲ ନାହିଁ ପିଲେ କେବେ,
ବିଶ୍ୱାସ ନ ହେଲେ ଗୁରୁଙ୍କୁ ପଚାର
ଜାଣି ତ ପାରିବ ତେବେ |
ସାଧନାର ବଳେ ସବୁ ଲବ୍ଧ ହୁଏ
ଦୃଢଇଚ୍ଛା ମୂଳମନ୍ତ୍ର |
ପାଠ, ଗୀତ, ବାଦ୍ୟ, ଖେଳ, ଚିତ୍ରାଙ୍କନ
ସବୁ ସାଧନାର ତନ୍ତ୍ର |
ଧନ,ମାନ,ଯଶ, ପଦ ଓ ପଦବୀ
ଯାହାକୁ ଯାହା ମିଳିଛି
ସବୁରି ମୂଳରେ ଅଧ୍ୟବସାୟରୁ
ସବୁ ସମ୍ଭବ ହୋଇଛି |
ଜମି କୋଠାବାଡ଼ି ଦାମୀ ଯେତେ ଗାଡି
ମନ ଚାହେଁ ଚିଜ ଯେତେ,
ଅଧିକ ଅଧିକ ପରିଶ୍ରମ କଲେ
ସହଜେ ପାଇବ କେତେ |
ତେଣୁ ହେ ବାଳକ, ବାଳିକା ସଭିଏଁ
ସଦା ସତକଥା କୁହ,
ଅନ୍ୟାୟ, ଅନୀତି, ପଥରୁ ଓହରି
ସୁପଥରେ ପାଦ ଦିଅ |
ତେବେ ଯାଇ ତୁମ ଜୀବନ ସାର୍ଥକ
ହୋଇବ ଜାଣ ନିଶ୍ଚୟ,
ଲଭି ସତଶିକ୍ଷା ଦେଖାଇ ଆଦର୍ଶ
ଗଢ଼ ନିଜ ପରିଚୟ |