ଯୋଡାଏ ଆଖି
ଯୋଡାଏ ଆଖି
1 min
308
କିମିଆ କଲାରେ ମୋତେ ଯୋଡାଏ ଆଖି
ଦେଖୁଦେଖୁ ଆଖି ମୋର ରହିଲା ଲାଖି
ପାଶୋରିଲି ସବୁ ଦୁଃଖ ସେ ଆଖି ଦେଖି ।
ସେ ଆଖିକୁ ଦେଖିବାକୁ କରିଲି ମନ
ତା ପାଖକୁ ଯିବାପାଇଁ ନଥିଲା ଧନ
ଭାବିଲି ମୁଁ ଏ ଜନମେ ହେବନି ଦେଖା
ଦରଶନ ନାହିଁ ମୋର କପାଳେ ଲେଖା
ଚାହୁଁଚାହୁଁ ଉଡିଯିବ ମୋ ପ୍ରାଣପକ୍ଷୀ ।
ମନରେ ସାହସ ବାନ୍ଧି ଚାଲିଲି ବାଟ
ନାମ ତାର ଗାଇଗାଇ ଭୁଲିଲି କଷ୍ଟ
ପତିତପାବନ ଯେବେ ଦିଶିଲା ମୋତେ
ଲାଗିଲା ପହଞ୍ଚିଗଲି ପୁରୀରେ ସତେ
ଅଜଣା ପୁଲକ ହେଲା ମନରେ ମାଖି ।
ସି°ହଦ୍ବାର ଗହଳୀରେ ଗଲି ମୁଁ ହଜି
ଗରୁଡ ପଛରେ ମୋତେ ପାଇଲି ଖୋଜି
ସେଇଠୁ ଦେଖିଲି ସେହି ଦୁଇ ଆଖିକୁ
ଠେଲାପେଲା ସହିସହି ଗଲି ପାଖକୁ
ତା ପାଖରେ ଦେଲି ମୋର ପରାଣ ବିକି ।