Library
Profile
ଯୌତୁକ ବ୍ୟାଧି
ଯୌତୁକ ବ୍ୟାଧି
ହେ ସଭ୍ୟ ସମାଜେ ସଭ୍ୟ ନର ନାରୀ
ଏଥରକ ଜାଗି ଉଠ
ଭୁଲ କରି ଆଉ ଲଜ୍ଜିତ ହୁଅନି
ଯୌତୁକ ଟା ପରା ଦୋଷ |
ଜାଣି ଶୁଣି ଯଦି ଭୁଲ କରୁଥାଅ
ସେଥିରେ ତ ନାହିଁ କ୍ଷମା
କ୍ଷମା ମାଗି ମାଗି ଲଜ୍ଜିତ ହେବ ଟି
ବୁଝିପାରୁନାହଁ ଜମା |
ନିର୍ଲଜ ମଣିଷ ଭୁଲ କରି ଚାଲେ
ଆଗ ପଛ ନାହିଁ ଚିନ୍ତା
ଅଲଜ୍ୟା ମୁହଁରେ କଥା କହୁଥାଏ
କଥାରେ ନଥାଏ ସତ୍ତା |
ପ୍ରକୃତି ଖରାପ ମଣିଷ ପାଖରେ
ଇଜ୍ଜତ ମହତ ନାହିଁ
ଇଜ୍ଜତ ର ମାନେ ବୁଝେ ନାହିଁ କିଛି
ସମ୍ପର୍କ ରଖେନା ସେହ
ି |
ନିଜେ ଦୋଷ କରି ଅନ୍ୟ ଦୋଷ ଦେଲେ
ଲାଭ କି ମିଳିବ କୁହ
ସବୁ ଦୋଷ ପୁଣି ଭୋଗିବାକୁ ହେବ
ସମୟ କୁ ଚାହିଁ ରୁହ |
କ୍ଷମା ଅନୁତାପ କରୁଥିବ ତୁମେ
ଅନ୍ତର ଭିତରେ ରହି
ଓଠ ଖୋଲି ଯଦି କହିବାକୁ ଚାହଁ
କାନ୍ଦ କିଆଁ କଇଁ କଇଁ |
ଅନୁତାପ କରି ଦୋଷ ମାଗିନେଲେ
ସଭିଏଁ ହୋଇବେ ଖୁସି
ସେହି ଖୁସି ନେଇ ତୁମରି ଜୀବନ
ଲାଗିବ ଶରଗ ଶଶୀ |
ଛୋଟ ଭୁଲ ପାଇଁ ବଡ ଭୁଲ ହେବ
ଜୀବନ ହୋଇବ ଧିକ
ଭୁଲ କରିବାକୁ ଘୃଣା କରି ଶିଖି
ମଣିଷ ପଣିଆ ରଖ |
