ଉତ୍ସବ ମଳିକ
ଉତ୍ସବ ମଳିକ
ଅଗଷ୍ଟ ବିପ୍ଲବ ନିଆଁ ଜଳୁଥିଲା ନିମାପଡ଼ା ଥରହର,
ଥାନାକୁ ବିପ୍ଳବୀ ଦଖଲ କରିବେ ଝଣ୍ଡା ଉଡ଼େ ଫରଫର |
ସୁଲକ୍ଷଣା ଜେମା ଆଗେଇ ଆସିଲେ ସାମନ୍ତସିଂହାର ବୋହୂ,
ମାତିଲେ ବିପ୍ଳବୀ ଜୟଧ୍ଵନି ଦେଇ ବାରବାଟୀ ଯାଉଯାଉ |
ଭବାନୀ ଚରଣ ଲୋକନାଥବାବୁ ପଦ୍ମଚରଣ ସାମନ୍ତ,
ପୂର୍ଣ୍ଣଚନ୍ଦ୍ର ସାହୁ ମହେଶ୍ଵରବାବୁ ନେଲେ ବିପ୍ଲବ ନେତୃତ୍ଵ |
ହଜାର ହଜାର ଜନତାଙ୍କୁ ଦେଖି ପୁଲିସ ହେଲେ ତିଆର,
ପଥରୋଧ କରି ଚଳାଇଲେ ଲାଠି ବନ୍ଧୁକ କଲେ ବାହାର |
ଗୁଳିମାଡ଼ ଖାଇ ଆହତ ହୋଇଲେ ବିପ୍ଳବୀ ସତର ଜଣ,
ବନ୍ଦୀହୋଇ କେତେଗଲେ କାରାଗାର ଲଗାଇ ଜୀବନପଣ |
ବିପ୍ଳବୀ ରକତେ ଭିଜିଲା ପଡ଼ିଆ କମ୍ପେ ନିମାପଡ଼ା ମାଟି,
ଗାନ୍ଧୀନାମ ଧରି ଉତ୍ସବ ମଳିକ ଭୂଇଁରେ ପଡ଼ିଲେ ଲୋଟି |
000