ଲାଇବ୍ରେରୀ
ପ୍ରୋଫାଇଲ୍
ଉଷା
ଉଷା
1 min
410
କିଛି ତାରା ମିଟିମିଟି ହୁଏ
ଭୋର ବେଳାରେ
ଧିରେ ପାଦରଖି
ତୁମେ ଚାଲିଆସ
ମେହେନ୍ଦି ସଜାଇ
ଦରଆଉଜା ଦୂଆରକୁ ଖୋଲ
ଦୁଇ କହୁଣୀରେ
ସତ କହୁଛି ଠିକ୍ ସେତେବେଳେ
ମୋ ସକାଳ ହସିଉଠେ ତୃପ୍ତିରେ
ସମ୍ଭ୍ରାନ୍ତ ଢଙ୍ଗରେ
ତୁମେ କାନିକୁ ସଜାଡ଼
ପାପୁଲିର ପଛପାଖେ
ଚୂର୍ଣ୍ଣକୁନ୍ତଳକୁ
କାଚ ଓ କଙ୍କଣ ରୁଣୁଝୁଣୁ ହୁଏ
ବିଗତ ଜନ୍ମର ଗୀତଗାଏ
ଲକ୍ଷ୍ମୀ ଠାକୁରାଣୀ ପୂଜାପାଠ ହୁଏ
ଘଣ୍ଟ ଘଣ୍ଟି ଶବ୍ଦ ଦାଣ୍ଡ ଉଛୁଳେ
ସତ କହୁଛି ମୋ ତୃପ୍ତିର ସକାଳ
ଏମିତି ନିତି ଦସ୍ତଖତ ଦିଏ
