ଉପମା ନୁହେଁ ପର୍ଯ୍ୟାପ୍ତ
ଉପମା ନୁହେଁ ପର୍ଯ୍ୟାପ୍ତ
ପରିବାରେ ଆମେ ସର୍ବେ, ଥାଉ ଏମିତି ଆସକ୍ତ ;
ହୁଏ ନାହିଁ କିଏ କାହା, ପ୍ରତି କେବେ ବିରକ୍ତ ;
ବନ୍ଧା ସର୍ବେ ଏକ ମନ, ଏକ ପ୍ରାଣେ ଏକ ରକ୍ତ ;
ମନ ବନ୍ଧା, ହୃଦ ଖୋଲା ; ସବୁ ବାଧାରୁ ମୁକ୍ତ l (1)
ଆମ ପାଇଁ ବାପା ସଦା, ରହନ୍ତି କର୍ମେ ବ୍ୟସ୍ତ ;
ମାଆ ବ୍ୟସ୍ତ ଆମ ପାଇଁ, ସୂର୍ଯ୍ୟୋଦୟରୁ ସୂର୍ଯ୍ୟାସ୍ତ ;
ସଭିଙ୍କୁ ଦାୟୀତ୍ୱରେ ସେ, କରନ୍ତି ପୁଣି ନ୍ୟସ୍ତ ;
ମାମାନିବାକୁ ହୁଏ ତାଙ୍କ, ଉପଦେଶ ବଡ ଶକ୍ତ l (2)
ଏ ଘର ଆମ ମନ୍ଦିର, ଆମେ ଯେତେ ସବୁ ଭକ୍ତ ;
ଆସିଲେ ଘରେ କେହି ବି, ଫେରିବେନି ରିକ୍ତ ହସ୍ତ ;
ବଡକୁ ଥାଏ ସମ୍ମାନ, ଛୋଟ ପ୍ରତି ସ୍ନେହେ ଲିପ୍ତ ;
ପରିବାର ଅଟେ ଆମ, ଆଶୀର୍ବାଦେ ଅଭିଷିକ୍ତ l (3)
ପରିବାର ଆମ ସଦା, ଥାଉ ପ୍ରେମ ଘେରେ ବ୍ୟାପ୍ତ ;
କି ସୁନ୍ଦରେ ସଜା ଆମେ, ଇନ୍ଦ୍ରଧନୁ ରଙ୍ଗ ସପ୍ତ !
ଛିଣ୍ଡିବନି ଏଇ ପ୍ରେମ, କେଉଁ ଡୋରେ ସେ ସଂଯୁକ୍ତ ;
ବର୍ଣ୍ଣିବାକୁ ମୋ ଘର, ଉପମା ନୁହେଁ ପର୍ଯ୍ୟାପ୍ତ l (4)
ଅମରେଶ କୁମାର ହନୁମାନ
ଭୁବନେଶ୍ୱର-1
ଦୂରଭାଷ : 9861520134