ତୁମକୁ ବୁଝିଛି

ତୁମକୁ ଜାଣିଛି ତୁମକୁ ପାଇଚି

         ତୁମକୁ ଚିହ୍ନିଛି ବୁଝିଚି ସତେ

ତୁମକୁ କହୁଛି ଆଜି ମୁଁ ବୁଝିଚି 

          ତୁମ ଭଲ ପାଇବଟା କେତେ

ବୁଝି ମୁଁ ନଥିଲି କହି ତୁମକୁ ବୁଝିଚି

          ସେହି ତୁମ ଓଠ ନିରବତା

ନିରବତା ତଳେ ଅସୁମାରୀ ସ୍ନେହ

          ପ୍ରେମ ବୋଳା ସେଇ ମିଠା କଥା

ହୋଇ ପାରେ ସିନା ଓଠ କଥା ମିଛ

          ମିଛ ନୁହେଁ ହୃଦୟର ସେ ଚିନ୍ତା

ପାଇଛି ଆଜି ମୁଁ ସ୍ୱର୍ଗୀୟ ଆନନ୍ଦ

           ବର୍ଣ୍ଣି କି ପାରିବି ତା ଆଦି ଅନ୍ତ

ତୁମ ପଦ ତଳେ ଶୋଭା ପାଉଥିବି

           ସଦ୍ୟ ପ୍ରସ୍ଫୁଟିତ ପୁଷ୍ପ ଗୁଚ୍ଛ ପରି

ଜୀବନକୁ ସତେ ମହାକାଇ ଦେବି

           ପ୍ରୀତିର ସୁଗନ୍ଧ ପୁଷ୍ପେ ପୁଷ୍ପେ ଭରି