ତୁମକଥା ମନେପଡ଼େ
ତୁମକଥା ମନେପଡ଼େ
ରାତି ଯେବେ ଶୋଇଯାଏ
ଗହନ ଅନ୍ଧାରେ
ମନ ମୋର ହଜିଯାଏ
ଅଜଣା ସହରେ ,
କାହାପାଇଁ କିଏ ଜାଣେ
ଖୋଜୁଥାଏ ପ୍ରତିକୋଣେ
ନିଦୁଆ ଆଖିରେ......
ରାତି ଯେବେ...........।
ସେ ସହରେ ଝିଲିମିଲି
ଦିଶୁଥାନ୍ତି ତାରା
କେବେ ଛାଇ କେବେ ପୁଣି
ଆଲୁଅର ଧାରା ,
ତୁମ କଥା ମନେପଡ଼େ
ରାତି ଯେବେ ବେଶି ବଢେ
ଜହ୍ନ ଆଖି ମାରେ....
ରାତି ଯେବେ.........।
ଏବେବି ଆଖିରେ ମୋର
ନାଚେ ତୁମ ଛବି
କେ'ଜାଣେ ବୁଡିବ କେବେ
ମୋ"ଜୀବନ ରବି ,
ଭୁଲିଗଲ ଭଲ ପାଇ
ବଞ୍ଚିବି ମୁଁ"କାହାପାଇଁ
ଏଇ ଦୁନିଆଁରେ.....
ରାତି ଯେବେ..........।