ତୁମେ ଓ ମୁଁ
ତୁମେ ଓ ମୁଁ
1 min
240
ଜାଣିଛ ତୁମେ ଦିନେ ଥିଲ ମୋ ହସର ରହସ୍ୟ
ତୁମେ ଥିଲ ମୋ ତାଜମହଲର ପ୍ରଜ୍ବଳିତ ଦୀପ
ତୁମେ ଥିଲ ବର୍ଷାବୁନ୍ଦା ମଧ୍ୟେ ଉଷ୍ମତାର ସ୍ପର୍ଶ
ସବୁ ପ୍ରଗତି ଭିତରେ ଥିଲା ତୁମ ପ୍ରେରଣାର ରୋମନ୍ଥନ
ସବୁ ସଫଳତା ଭିତରେ ଥିଲା ତୁମ ଉତ୍ସାହର ଅସମାପ୍ତ ଇନ୍ଧନ
ଆଜି ତୁମ ପାଇଁ ମତେ ଛଳନାର ହସ ହସିବାକୁ ହୁଏ
ବାନ୍ଧିବାକୁ ହୁଏ ଅନେକ ଯୁଗର ଭବିଷ୍ୟତ ସ୍ୱପ୍ନ
ଚାହିଁଲେବି କାନ୍ଦିପାରେନା ତୁମ ଆଗେ
କାରଣ ମୋ ଲୁହ ଲୋଟିନେବ ତୁମ ବଞ୍ଚିବାର ଆଗ୍ରହ
କାଲି ହସୁଥିଲି, ଆଜିବି ହସୁଛି ଆଉ ଆସନ୍ତା କାଲିବି ହସୁଥିବି
ତଫାତ ତ କେବଳ ସମୟରେ ଅଛି ହେଲେ ସମ୍ପର୍କରେ ନାହିଁ ||