ତୁମେ ଗଲା ପରେ
ତୁମେ ଗଲା ପରେ
କି ଲେଖିବି ଆଉ ପ୍ରେମର କବିତା
ସବୁ ତ ଗଲିଣି ଭୁଲି,
ଲେଖି ପାରେନା ଆଉ ସେ କବିତା
ତୁମେ ଗଲ ଯେବେ ଚାଲି l
ତୁମେ ଗଲ ପ୍ରିୟ ଦୁଃଖ ମୋର ନାହିଁ
ଦୁଃଖ ଖାଲି ତମ ପାଇଁ,
ନୂଆ ସାଥି ପାଇ କେମିତି କାଟିବ
ତାହା ମୁଖକୁ ତୁମେ ଚାହିଁ l
କି କହିବି ସାଥି ତୁମର ସେ ପୀରତି
ଲାଗେ ଭାରି ମିଠା ମିଠା,
ତୁମେ ଗଲା ପରେ ଆଜି ଏ ଜୀବନ
ଲାଗେ ପୂର୍ବ ପରି ଖଟା l
ତେଲରେ ଲୁଣରେ ସଂସାର କରିବ
ଦେଉଥିଲ ପ୍ରତିଶ୍ରୁତି,
ଛଳନାର ଛୁରୀ ଏମିତି ମାରିଲ
ହୋଇଗଲା ସବୁ ଇତି l