ତୁ ଆଉ ମୁଁ
ତୁ ଆଉ ମୁଁ
ତୁ
ବୁଢି ପୋଖରୀର
ମହୁରାଳି ମାଛ ବିହାନିଆ
ମୁଁ
ମଦରଙ୍ଗା ଶୋଳ ଖାଳ
କୁଜି ବଗ ଚାଲାକିଆ ।
ତୁ
ଲେମ୍ବୁ ଚିପୁଡ଼ା
ପାଗୁଆ ପଖାଳ ବେଲା
ମୁଁ
ବାଡି ଲେଉଟିଆ
ଖରଡ଼ା ଶାଗ ଡ଼ାଲା ।
ତୁ
ସଜନା ଗଛର ଲମ୍ବା ଲମ୍ବା
ଶାଗୁଆ ହାତିଆ ଛୁଇଁ
ମୁଁ
ପାନ ବରଜରେ
ଧାନୁଆ ଲଙ୍କାର
ପେନ୍ଥା ପେନ୍ଥା ଡ଼ାହି ।
ତୁ
ବାଡି ବରକୋଳି
ଖଟା ମିଠା ଆଚାର
ମୁଁ
ଗଡ଼ିଆ କଡ଼ର
ପଥର କଙ୍କର
ଢ଼େଲା ପାହାର ପ୍ରହାର ।
ତୁ
ସୁନୁସୁନିଆ ସାଗର
ସରୁ ନହକା ନହକା
ପଟାଳି
ମୁଁ
ପାନ ଗୁମୁଟିର
ଟଙ୍ଗା ଗୁଟୁକା ପୁଡ଼ିଆ ମାଳି ।
ତୁ
ଗାଗରା ଚହଲା
ଭିଜା ଓଦା ତନୁ ପାତଳୀ
ସୁକୁଟି ସାହୁ
ମୁଁ
ହିରୋ ହୋଣ୍ଡାର
ହର୍ଣ୍ଣ ହେଣ୍ଟାଳ
ସେନ୍ତରା ମହୁ I