ଟଙ୍କିକିଆ ଚାଉଳ
ଟଙ୍କିକିଆ ଚାଉଳ
ବୁଦ୍ଧି ବଣା କିବା ହୋଇଲା ଭାଇ
ନିତି ଟଙ୍କିକିଆ ଚାଉଳ ଖାଇ ।
କର୍ମ ନକରିିିଣ ବସ ଦୁଆରେ
ପେଟ ଫୁଲି ଯାଏ ହେଉଡି ଧରେ ।
ଅଳସୁଆ ନୀତି କରିିଲ ହାର
ବ୍ୟାଧି କରିଲାଣି ସହଜେ ଘର ।
ତୁମେ ଯେ ଦେଶର ଭବିଷ୍ୟ ନିଧି
କିପରି ହଜିଲା ତୁୁୁମର ବୁଦ୍ଧି ।
ସରକାର ଦେଲେ ସୁବିଧା କରି
ନଚେତ୍ ତୁମେ କି ବଜାନ୍ତ ତୂୂୂରୀ ।
ପେଟ ପୋଷିବାକୁ ବେଳ ନଥାନ୍ତା
କ୍ଷୁଧା ଜଳନରେ ଜ୍ଞାନ ହଜନ୍ତା ।
ବେକାରୀ ଭତ୍ତାକୁ ଛଳେ ଲୁଟିିଲ
କର୍ମ ଦେଲା ବେଳେ କୁଆଡେ ଗଲ ।
କର୍ମ ଭୀରୁ ତୁମେ ଜାଣନ୍ତି ସର୍ବ
ତୁମକୁ ନେଇକି କରିବୁ ଗର୍ବ ?
ତୁମ ବେଳ ଯାଏ ଚା' ଦୋକାନେ
ପର ନିନ୍ଦା କର ଆନନ୍ଦ ମନେ ।
ଏମନ୍ତ କର୍ମ ଯେ କରଇ ଭାଇ
ଜୀବନେ ତାହାର ଦୁଃଖ ବଢଇ ।