ତମେ ଆଉ ନୀରବତା

ଥରେ ଥରେ ତମେ ଏମିତି ମୋ 

ସାମ୍ନା ରେ ଉଭାହୁଅ ତମେ

ରଙ୍ଗ ସବୁ ଦିଶନ୍ତି ଆହୁରି ନିବିଡ଼

ନାଲି ହୁଏ ଗାଢ ନାଲି

ବିଲ୍ କୁଲ୍ ତୁମ ଓଠ ପରି

ନୀଳ ହୁଏ ନୀଳତର ତୁମ ଆଖି ପରି

ଶାଗୁଆ ଦିଶେ ଜୀବନ୍ତ ଠିକ୍ ତୁମ ପରି। 

ଏତେ ସବୁ ପରେ ବି

ତମେ ନୀରବ ରହିଲ। 

ଛୁଇଁବାକୁ ଦେଲନି ତୁମ ଓଠ କି କପାଳ

ମୁଁ କେବଳ ବିସ୍ତାରୁଥିଲି

ଅଗରବତୀ ର ବାସ୍ନା ପରି

କୋଳେଇବାକୁ ତୁମର ଚେତନ ଅବଚେତନ 

କାନଡେରି ଶୁଣିବାକୁ ଚାହୁଁ ଥିଲି

ତୁମ ଛାତି ତଳ ତରଙ୍ଗ

ସେଇ ଗୋଟିଏ ମୁହୂର୍ତ୍ତ ଚାହୁଁ ଥିଲି

ମୋ ନିଜର କରି ରଖିବାକୁ ସବୁଦିନ

ସବୁ ଜାଣି ବି ତୁମେ ନୀରବ ରହିଲ।