ତା ସାଥେ ସମ୍ପର୍କ ନୀବିଡ ଆମ
ତା ସାଥେ ସମ୍ପର୍କ ନୀବିଡ ଆମ
ଗିରିଷମ ଗଲା ତାତି କମିଲା
ମଉଷୁମୀ ଆସି ମାଟି ଚୁମିଲା ।
ଭିଜାଭିଜା ମାଟି ମହକି ବାସେ
ଦିଗ ଚଉଦିଗ ସାଗୁଆ ଦିଶେ ।
ଆକାଶ ରେ ଭାଷେ ମେଘ ରୋଷଣୀ
ବରଷା ବରଷେ ଉଛୁଳେ ପାଣି ।
ଘାସ ଗାଲିଚାରେ ସାଧବ ବୋହୁ
ନାଲି ପାଟ ନାଇ କୁଆଡେ ଯାଉ ।
ବରଷା ରାତିରେ ବେଙ୍ଗୁଲୀ ରଡି
କଉମାଛ ଯାଏ ଗଛରେ ଚଢି ।
ନୂଆପାଣି ଆସେ ନଈ ନାଳରେ
ପାଣି ଖେଳେ ଦୋଳି ଦୁଇ କୂଳରେ ।
ପାଣି ପଚପଚ କାଦୁଆ ବିଲ
ଆକାଶେ ଉଡନ୍ତି ଚଡେଇ ଚିଲ ।
ମାଣ୍ଡିଆ କଙ୍କଡା ଦଣ୍ଡେଇ ମାଛ
ମେଘ ଦେଖି ମେଲେ ମୟୂର ପୁଛ।
ପାଳଛତୁ ଚାଳ ମଥାନେ ଫୁଟେ
ଗଙ୍ଗଶିଉଳୀର ବାସ ଚହଟେ ।
ବରଷା ଋତୁ ତ ଭାରି ବଢିଆ
ଗଛ ଲଗାଇଲେ ହସେ ପଡିଆ ।
ସୁଲୁସୁଲୁ ବହେ ଶୀତଳ ବାଆ
ମାଟିରୁ ଆକାଶ ଲାଗଇ ନୂଆ ।
ବରଷା ଋତୁର ଗୁଣ ଅଶେଷ
ଯେତେ ବଖାଣିଲେ ହେବନି ଶେଷ ।
ତା ସାଥେ ସମ୍ପର୍କ ନୀବିଡ ଆମ
ବରଷା ନହେଲେ କପାଳ ବାମ ।