ଲାଇବ୍ରେରୀ
ପ୍ରୋଫାଇଲ୍
ସୁରତା
ସୁରତା
1 min
392
କେଲେଣ୍ଡର୍ ଫରଦ୍ ଲେହେଁଟି ଗଲା
ସର୍ଲା ଗୁଟେ ବରଷ୍
ନୁଆଁ ବରଷ୍ ସଁଗେ ନୁଆଁ ସକାଲ୍
ମୁହେଁ ଫୁଟ୍ଲା ହରଷ୍ ।
ଜାନୁଆରୀ ପାଲି ପହିଲ୍ ନମ୍ବର
ଶୁଭ୍ ଖବର୍ ଆନବା
ତାର ପଛା ପୁଛି ବାକି ମାସ ଯେତେ
ନିଏଁର ବାଟ ଦେଖାବା ।
ହିଂସା ଅହଂକାର ମନୁ କେରେଇ
ଭାବର୍ ବନ୍ଧନେ ଜୁରି
ନିଜର୍ କାଁମ୍ କବାରେ ଭିଡିହେଇ
ଚାଲୁଥିମା ହୁରି ହୁରି ।
ଇଂରାଜୀ ବଛର୍ କେ ନିଉତା ଦଉଛେଁ
ଫୁଲ୍ ଚନ୍ଦନ ମଖେଇ
ସତ୍ କେ ଆବରି ମିଛ କେ ପାସରି
ଉନ୍ନତି ବାଟ ଆବରି ।
