ସୁଭାଷ ନିର୍ଭୀକ ଦେଇଛି ଡାକ

ଇମ୍ଫାଲ ବକ୍ଷେ ଉଡ଼ାଇ ତ୍ରିରଙ୍ଗା

ନିର୍ଭୀକ ସୁଭାଷ ଦେଇଛି ଡାକ l

ସ୍ୱାଧୀନତା ମୋର ଜନ୍ମ ଅଧିକାର

ମାଗୁ ନାହିଁ ମୁହିଁ ତୁମ୍ଭକୁ ଭିକ ll

ମାଡ଼ି ଚାଲ ମାଡ଼ି ଚାଲରେ ଦିଲ୍ଲୀ

ଦିଲ୍ଲୀ ଚଲୋ ରେ ଦିଲ୍ଲୀ ଚଲୋ l

ରକ୍ତ ଦିଅରେ ରକ୍ତ ଦିଅ ମୋତେ

ରକତ ଗାରରେ ଶୁଝିବି ମୂଲ ll

ଆଜାଦ ହିନ୍ଦ ଫଉଜ ଡାକରା

ହାତ ମିଳା ସବୁ ଲଢୁଆ ପୁଅ l

ସ୍ୱାଧୀନତା ଆଣିଦେଵି ମୁହିଁ ନିଶ୍ଚେ

ଧରି ନିଅ ଏହା ଧ୍ରୁବ ନିଶ୍ଚୟ ll

ଔଦ୍ଧତ୍ୟ ଭରା ହୁଙ୍କାର ଶୁଣି ତା'

ଶତ୍ରୁର ହୃଦୟ ଉଠିଲା ଥରି l

ବ୍ରିଟିଶ ଶାସନ ପ୍ରମାଦ ଗଣିଲା

କମ୍ପ ଜ୍ୱର କିମ୍ବା ଆସିଲା ମାଡ଼ି ll

ହାରି ଗୁହାରି ବହୁ ହୋଇ ଗଲା

ଚଳିବନି ତାହା ଏଣିକି ଆଉ l

ସ୍ୱାଧୀନତା ନିଶ୍ଚେ ଛଡ଼ାଇ ନେବି ମୁଁ

ଘୋଷଣା ଏହି ମୋ ବଜ୍ର ବାହୁ ll

ଶତ୍ରୁର ଶତ୍ରୁ ମିତ୍ର ମୋହର ଜର୍ମାନୀ

ଆଉ ମୋ ହିଟଲର ଭାଈ l

ସ୍ୱାଧୀନତା ନିଶ୍ଚେ ଭିଡ଼ି ନେଇ ଯିବି

ଗାଲେ ତୁମର ଚାପୁଡ଼ା ଦେଇ ll

ଗାନ୍ଧୀ ମହାତ୍ମା ହେ ଲାଗି ରହିଥାଅ

ଅହିଂସାରେ ତୁମ ଦିନ ରାତି l

ଅମାନିଆ ତୁମ ସୁଭାଷ ହିଂସ୍ର

ଚରଣେ ତୁମର ଜଣାଏ ଭକ୍ତି ll

କର୍ମବୀର ହୁଅ ବାକ୍ୟବୀର ନୋହି

ଭାରତର ଯେତେ ନବ୍ୟ ଯୁବା l

ଇନକିଲାଵ ଆସ ଆରେ ଭାଈ ଏହି

ବେପାରୀଙ୍କୁ ଗୋଡ଼ାଇ ଦେବା ll

ଅଗ୍ନିବର୍ଷି ବାଣୀ ତୁମର ନେତାଶ୍ରୀ

ଉନମାଦ ଦେଲା ପ୍ରାଣେ ଭରି l

ଲମ୍ଫ ଦେଲେ ଯେତେ ଯୁବକ ଯୁବତୀ

କମ୍ପି ଗଲା ବନ ଗୁହା ଓ ଗିରି ll

ତୋଷାମଦ,ତେଲ,ମାଡ଼ ଖିଆ ନୀତି

ବିଷ ପ୍ରାୟ ଛାଡ଼ ଭାଈ ଭଉଣୀ l

ଓଟାରି ଆଣିବା ଆମ ସ୍ବାଧୀନତା

ଯିବାକୁ ପଛକେ ପଡ଼ୁ ମଶାଣି ll

ଭୁଲି ନାହୁଁ ଆମ୍ଭେ ସେହି ବଜ୍ରବାଣୀ

ଅସୀ ଜବାବ ଅସୀରେ ଦିଅ l

ନେତାଙ୍କର ନେତା ନେତାଜୀ ସୁଭାଷ

ଭାରତ ମାତାର ଯୋଗ୍ୟ ପୁଅ ll

ଅଦମ୍ୟ ସାହସ ଅପୂର୍ଵ ଉତ୍ସାହ

ଶତ ସିଂହ ବଳ ଠୁଳ ତୁମ୍ଭଠି l

କୋଟିଏରେ କାହିଁ ଗୋଟିଏ ମିଳିବେ

ତୁମ ପରି ଦେଶ ଭକତ ଗୋଟି ll

ବୀରପୁଙ୍ଗବ ହେ ନେତାଜୀ ସୁଭାଷ

ଭାରତ ମାତାର ଯୋଗ୍ୟ ସୂତ l

ଜୟ ହିନ୍ଦ୍,ବନ୍ଦେ ମାତରଂ ପ୍ରଣାମ

ଭାରତର ସଚ୍ଚା ଦେଶ ଭକତ ll