ସତୀ -୨ ,ବିରହ ର ରଙ୍ଗ

ସିପ୍ରା ନାମତା (ନମ୍ରତା )

ବିଶ୍ବାସର କାଣିଚାଏ ତୀର୍ଯ୍ୟକ ଝଲକେ

ଅଧା ଅଧା ଜୀବନ ବି ଭରିଯାଏ ସପନେ ।

ପରିପୂର୍ଣ୍ଣ ଜଗତରେ ଜୀବନ ମୋ ଶୁନ୍ୟ

ନିଥର ପରାଣେ ଖାଲି ଯନ୍ତ୍ରଣା ଜ୍ବଳନ ।

ମଳୟ ଛୁଏଁନା ଏଠି ପାଦପ ପତରେ

ଫଗୁରଙ୍ଗ ମନା ଏଠି ଭରା ଫଗୁଣ ରେ ।

ପ୍ରୀତିଫୁଲ ଝାଉଁଳିଛି ବସନ୍ତରେ ଆଜି

ହୃଦୟ ବିଳାପ କରେ ବିରହିଣୀ ସାଜି ।

ଚୁତ ବକୁଳ ସୁରଭି ରେଣୁ ରେଣୁ ଝରେ

ଆମ୍ର କୁଞ୍ଜେ କୋକିଳ ବି କୁହୂ ତନ କରେ ।

ଅମାନିଆ ବାଆ ସାଥେ ମଧୁକର ଭ୍ରମେ

ସଖା ବିଛେଦେ ଜଳେ ବନହିଁ ଏ ମରମେ ।

ଜୀର୍ଣ୍ଣ ମନେ ଲୁହ ଝରାଏ ବେନି ନୟନ

ନାହିଁ ଜହ୍ନ ,ତାରା, ଭିଜା ମହୁଲିଆ ମନ ।

ନିଷିଦ୍ଧ ଇଲାକା ଏଇ ପୃଥିବୀ ଭିତରେ

ଚାଲିବାକୁ ହେବ ଏକା ବାକି ଜୀବନରେ ।

--- --- --- -- ---