ସରିନି ଲଢେ଼ଇ

   ସରିନି ଲଢେ଼ଇ ଆହୁରି ବାକି

   ସମୟ ଚାହିଁଛି  ତରାଟି ଆଖି ।।

   ଅକାଳ ମରଣ କରୁଣ କଥା

   କରୋଣା ବଖାଣେ ବିଜୟ ଗାଥା ।।

   ପରାକ୍ରମୀକୁ ବି ପରାଣ ଭୟ

   ଆପଣା ଲୋକଙ୍କୁ କରେ ସନ୍ଦେହ ।।

   କାଳ ସାଥେ ଆଜି ଲଢୁଛି ଦେଶ

   କଟକଣାକୁ ତ ମାନିବା ଆସ ।।

   ହାତ ମୁହଁ ସଫା ମଣେ ଜରୁରୀ

   ସେହି ବାଟ ଦେଇ ପସେ ବଇରୀ ।।  

   ବାରବାର ଆମେ ହାତ ଧୋଇବା

   ବାହାରକୁ ଗଲେ ମାସ୍କ ପିନ୍ଧିବା ।।

   ଗହଳୀ ଠୁ ଆମେ ଦୂରେଇ ଯିବା

   ଦୂରତା ନୀୟମ ଆମେ ମାନିବା ।।

   କାମ ନାହିଁ ଯଦି କାହିଁ ନଯିବା

   ମାନିଲେ ଏତିକି ଆମେ ଜିତିବା ।।