ସ୍ପର୍ଶ
ସ୍ପର୍ଶ
ଦୁଇଗୋଟି ଅକ୍ଷରରେ ଗଢ଼ା ଏହି ଶବ୍ଦ
ଗୋଟିଏ ଶବଦ ହେଲେ ଭାବାର୍ଥ ବିଶଦ ।
ବାତ୍ସଲ୍ୟ ମମତା ଥାଏ ମାତା ର ସ୍ପର୍ଶ ରେ
ଅଭିମାନ ଦୂର ହୁଏ ପିତାଙ୍କ ଛୁଆଁ ରେ ।
ଭାଇ ର ସ୍ପର୍ଶ ରେ ମିଳେ ସୁଖଦ ଭ୍ରାତୃ ପ୍ରେମ
ପବିତ୍ର ମଧୁର ପୂଣି ସ୍ନେହ ତା ଅସୀମ ।
ଭିନ୍ନ ଏକ ରୂପ ନିଏ ଡାକ୍ତରଙ୍କ ସ୍ପର୍ଶ
ଛୁଇଁ ଦେଲେ ରୋଗୀକୁ ସେ ମିଳଇ ଆଶ୍ଵାସ ।
କାମନା ର ସ୍ପର୍ଶ କରେ ଦେହ ରୋମାଞ୍ଚିତ
କାମାତୁର ମଣିଷକୁ କରଇ ଉନ୍ମତ୍ତ ।
ଭାବପୂର୍ଣ୍ଣ କବିତାଟି ଛୁଇଁ ଯାଏ ମନ
ସେତେବେଳେ ଧନ୍ୟ ହୁଏ କବିର ଲିଖନ ।