ବନ୍ଦେ ମାତରମ୍

ଜନନୀ ତୁ ଜନ୍ମଭୂମି ଜୟଗାନେ କର ସଭିଏଁ ଜାଗ୍ରତ

ମାଟି ନୁହେଁ ମମତାର ମହାମନ୍ତ୍ରେ ସର୍ବଦା ମନ୍ତ୍ରିତ

 ଲକ୍ଷ ଲୋକ ଲୁହ ଲହୁ ସୁ ଖିତ

 ଶାନ୍ତି ଶତଦଳ ଶେଷେ ସୁଶୋଭିତ

ମୁକ୍ତିଭୂମି, ମୈତ୍ରୀଭୂମି, ମାତୃଭୂମି -ଭାରତ....

    ବନ୍ଦେ ମାତରଂ (୧)

ଭାରତ ମାତାର ସୁଯୋଗ୍ୟ ସନ୍ତାନ

  ମୋ ସୈନିକ ଭାତୃଗଣ-

 ଦେଶ ସୁରକ୍ଷାରେ ଅମୂଲ୍ୟ ଜୀବନ

  କରିଥାନ୍ତି ସମର୍ପଣ-

  ଆମ ଏ ମାଟିର ମେରୁଦଣ୍ଡ ପରି

  କୃଷକ ଭାଇ ଯେ ଅଟଇ ଆମରି

ତୋର ଶୀତଳ ପରଶେ ପାଣି ପବନେ ମୁଁ ହେବି ଜଗତଜିତା-

     ବନ୍ଦେ ମାତରଂ (୨)

ଜନମିଲେ ମଧୁ ଗାନ୍ଧୀ ଗୋପବନ୍ଧୁ

  ହସିଲା ଭାରତ ମାତା-

 ତାଙ୍କ ଲାଗି ଆଜି ଦୁଃଖ ଗଲା ହଜି

  ପାଇଗଲୁ ସ୍ଵାଧୀନତା-

   

ଏ ମାଟି ମଣିଷ ଅତୀତକୁ ଭୁଲି ଶାନ୍ତିରେ ଶୋଇଛି ଏବେ

କେତେ ଯେ ସଂଗ୍ରାମ ରକ୍ତପାତ କଥା ଭୁଲି ତ ଗଲେଣି ସର୍ବେ

ତୁହି ତ ଆମ ଗୌରବ ଜନମ ଭୂମି ହୃଦରେ କୋଟି ପ୍ରଣାମ 

    ବନ୍ଦେ ମାତରଂ (୩)