ଜରି ଗୋଟାଳି

ଜୀବନ କାଳରୁ  ଗୋଟିଏ ନାମରେ

     ଜରି ଗୋଟାଳି ମୋ ପରିଚୟ

ଫୁଟୁ ଫାଟ କଡେ  ବସ ଷ୍ଟାଣ୍ଡରେ

     ଚାଲେ ମୋର ଅଭିନୟ ।।

ଝାଟି ମାଟି ଘରେ  ଚାଳ ଛପରରେ

     ଆଶରା ଟିକିଏ ମୋର

ମିଞ୍ଜି ମିଞ୍ଜି ଜଳେ  ଡିବି ଆଲୁଅଟା

     ତେଜିବାକୁ ନାହିଁ ବଳ ।।

ସୁରୁଜ ଉଇଁଲେ  ବସ୍ତାଟିଏ ଧରି

    ବାହାରି ଯାଏ ମୁଁ ଘରୁ

ଗୁଣ୍ଡେ ଖାଇ   ଗୁଣ୍ଡେ ନେଇ ଥାଏ

ବାସି ପଖାଳ ହାଣ୍ଡିରୁ ।।

ଖରା ବରଷାରେ   କଟୁଥାଏ ଦିନ

    ଦେହକୁ କରି ପଥର

ଗମ୍ ଗମ୍ ଝାଳ   ବୋହି ଯାଉଥାଏ

ଜାଣିପାରେ ନାହିଁ ମୋର ।।

ଜୀବନ ଯମୁନା  ଓଲଟା ସୋତରେ

     ଦଦରା ନାବକୁ ଧରି

ବୁଡିଯିବା ବେଳେ   ମଙ୍ଗଟିକୁ ଧରି

     ଜୀବନକୁ କରେ ପାରି ।।