ସଫଳତାର ସ୍ୱପ୍ନ
ସଫଳତାର ସ୍ୱପ୍ନ
ସଫଳତା ସ୍ୱପ୍ନ ଦେଖିବା ପାଇଁକି
ଇଚ୍ଛା ଯଦି କରୁଥିବ ।
ଶୁଣ ତେବେ ତୁମେ କଅଣ କିପରି
ସେଇ ସ୍ୱପ୍ନକୁ ଦେଖିବ ।୧।
ଜୀବନରେ ତୁମେ ସଫଳତା ଲାଭ
ସପନ ଯଦି ଦେଖିବ ।
ସେଥିପାଇଁ ଯେଉଁ ପୁରୁଷାର୍ଥ ଲୋଡା
ସେ କଥାଟିିକି କରିବ ।୨।
ସଫଳ ହୋଇବି ନିଶ୍ଚିତ ଏଥିରେ
ଏପରି ସଙ୍କଳ୍ପ କର ।
ଅସଫଳ ହେଲେ କାହିଁକି ହୋଇଲ
ପର୍ଯ୍ୟାଲୋଚନା ତାହାର ।୩।
କରିବ ନିରାଶ ନହୋଇବ କେବେ
ସକାରାତ୍ମକ ମନରେ।
କରମର ଦୋଷ ବୁଝି ପ୍ରତିକାର
କର ସଠିକ ଢଙ୍ଗରେ ।୪।
ସଫଳତା ସ୍ୱପ୍ନ ପୂରଣ ହୋଇବ
ପ୍ରତିକାର ତାର କଲେ ।
ସୁନ୍ଦର ଏ ସ୍ୱପ୍ନ ସମସ୍ତେ ଦେଖନ୍ତୁ
ସଭିଏଁ ରହନ୍ତୁ ଭଲେ ।୫।