ସଂଯୋଗ
ସଂଯୋଗ
ସିଏ ତୁମେ ଥିଲ ନା ?
ଯିଏ ଗୋଟିଏ ପଲକରେ
ସାତ ଜନମର ଝଲକ
ଦେଖେଇ ଗଲା !
ପ୍ରେମ କଣ ଏଇମିତି ହୁଏ,
ଥରଟିଏ ଦେଖାରେ
ଅନେକ ଦିନର ଚିହ୍ନାଜଣାର
ମିଠା ମିଠା ଅନୁଭବ ଦିଏ ?
ନା ତୁମେ କିଛି କହିଲ,
ନା' ମୁଁ କିଛି କହିଲି,
ତଥାପି ଏମିତି କାହିଁକି ହୁଏ,
ବିନା ଶବ୍ଦ, ବିନା ସଂଳାପର
ଏ ବାର୍ତ୍ତାଳାପ,
ମିଠା ମିଠା ସ୍ମୃତି ଦେଇଯାଏ ।
ତୁମର ଓଠର,
ତୁମର ସେ ମିଠା ହସରେ,
ସତେ, ସାତ ଜନମର
ପ୍ରେମର ଦୃଶ୍ୟ ଦେଖାଇ ଦେଲା,
ତୁମର ସେ ଆଖିର ଚମକ
ନିରବରେ କେତେ କଥା କହିଗଲା ।
ଗାଇଗଲା କେଦାର ଗୌରୀର
ଅପୂର୍ଣ୍ଣ ପ୍ରେମର ଗାଥା ।
ସତେ କହୁଥିଲା,
ପ୍ରେମ ପାଇଁ ବହୁତ ଚିହ୍ନା ଜଣା,
ବେଶି ଗପସପ ଅବା
ବାରମ୍ବାର ଦେଖା ଚାହାଁ ଲୋଡାନାହିଁ ।
ଗୋଟିଏ ଦେଖାରେ,
ଅନେକ କିଛି ବଦଳି ଯାଏ,
କେତେ ଦିଆ ନିଆ ହୋଇଯାଏ,
ପ୍ରେମ ସତେ ସଂଯୋଗ ଗୋଟିଏ
ଏଇମିତି ଅଚାନକ ହୁଏ ।