ସଂପର୍କ ସୌଧରେ ଭାଇ ଭଉଣୀ

ଓଡ଼ିଆ ସଂସ୍କାର ସଂସ୍କୃତି କଥା,

ରତନବେଦିରେ ଚତୁର୍ଦ୍ଧା ଗାଥା,

ଭାଇ ଭଉଣୀଙ୍କ ଭବ୍ୟ ମନ୍ଦିର,

ଗୁଣ୍ଡିଚାଯାତରେ ମହାମିଳନ l

ଏମିତି ପ୍ରେମକୁ ଦେଖିଛ କାହିଁ

ଜଗତ୍ରେ ଖୋଜିଲେ ପାଇବ ନାହିଁ,

ମାଳତୀ ହାତରୁ ରାକ୍ଷୀକୁ ବାନ୍ଧି,

ମହାବାହୁ ନାମେ ଭକତେ ଛନ୍ଦି l

ଭାଇ ଭଉଣୀର ସୁରକ୍ଷାକାରୀ,

ଭଉଣୀ ହିତରେ କର୍ତ୍ତବ୍ୟ କରି,

ଭଉଣୀର ମାନ ସମ୍ମାନ ପାଇଁ,

ଓଷା ବାର ପର୍ବେ ଯାଏ ସେ ଧାଇଁ l

ପାଶ୍ଚାତ୍ୟ ସଂସ୍କୃତି ଧସେଇ ପଶି

ଭାଇ ଭଉଣୀର ସମ୍ପର୍କ ଭାଙ୍ଗି,

କୋଟ୍ କଚେରୀ ମାମଲା ଚାଲେ,

ଘର ଡିହ ଖଣ୍ଡ ଭଉଣୀ ଛିନେ l

ସମ୍ପର୍କ ସୌଧରେ ନୂଆ କାହାଣୀ

ପୁରାଣ ଇତିହାସ କୁହେ ବଖାଣି,

ଆର୍ଯ୍ୟଭୂମି କୁହେ ଭାଇ ଭଉଣୀ ,

କହ କାହାଣୀ ଭାରତବାସୀ, ବଡ଼ ସାହସୀ ।