ସ୍ମୃତି ତୁମ ଅପେକ୍ଷାରେ
ସ୍ମୃତି ତୁମ ଅପେକ୍ଷାରେ
ପ୍ରତି ମୁହୂର୍ତ୍ତରେ ଭାବେ ତୁମ କଥା
ତୁମେ ମୋ ପ୍ରାଣ ଦେବତା
ତୁମେ ତ ମୋ ସଞ୍ଜ ତୁମେ ହିଁ ସକାଳ
ତୁମେ ହିଁ ମୋର ବିଧାତା ।
ପ୍ରତିଟି ମୁହୂର୍ତ୍ତେ ତୁମ ସ୍ମରଣରେ
ଦିନ ରାତି ବିତୁଅଛି
ତୁମ କଥା ଯେବେ ଭାବିବାକୁ ଲାଗେ
ସ୍ପନ୍ଦନ ସୃଷ୍ଟି ହେଉଛି ।
ସ୍ବପ୍ନ ଦେଖି ଦେଖି ରାତି ପାହିଗଲା
ପୁରା ହେଲାନି କିଛି ଆଶା
ମନ କଥା ମନେ ରହିଯାଏ ସିନା
ନୀରବରେ ହୁଏ ନିରାଶା ।
ଅଧୁରା ରହିବ ଏ ପ୍ରୀତିବନ୍ଧନ
ଅଭିଶାପ ଏକ ସାଜି
ତୁମ ମୋ ପ୍ରେମର ଉଚ୍ଚ ଆକାଂକ୍ଷାଟି
ଭାଙ୍ଗିଯାଏ ସତେ ଆଜି ।
ଭାବନାକୁ ମୁଁ ହୃଦେ ଚାପି ରଖେ
କଳନା ଯାହାର ନାହିଁ
ତୁମ ଅପେକ୍ଷାରେ ରହିଲି ଏବେଠୁ
ଭେଟ ହେବ କେବେ ଯାଇଁ ।