ସମ୍ପର୍କ

 

କେତେ ସମ୍ପର୍କ ବଦଳିଯାଏ

ସମୟ ବଦଳି ଗଲେ

କେତେ ସପନ ଅଧୁରା ରହେ

ଅତୀତର ଭାବ ତଳେ ।

କେତେ ସମ୍ପର୍କ ନିବିଡ଼ ହୁଏ

ପ୍ରକାଶି ହୃଦୟ ଭାବ

କେତେ ସମ୍ପର୍କ ବିଲୀନ ହୁଏ

ହୃଦୟରେ ଭରି କ୍ଷୋଭ ।

କେତେ ସମ୍ପର୍କ ଅମର ଅଟେ

ଆସୁଯେତେ ବାଧା ବିଘ୍ନ

କେତେ ସମ୍ପର୍କ ଅବୁଝା ପାଇଁ

କ୍ଷଣକରେ ହୁଏ ଭଗ୍ନ । 

କେତେ ସମ୍ପର୍କ ଆପଣା ଲାଗେ

ନିଜଠୁ ଅଧିକା ବେଶି

କେତେ ସମ୍ପର୍କ ଜହର ଭରେ

ଆପଣା ସହରେ ପଶି ।

କେତେ ସମ୍ପର୍କ ଦୂରେଇ ଦିଏ

ନିଜର ଭାବିଲେ ବସି

କେତେ ସମ୍ପର୍କ ବୁଝଇ କଷ୍ଟ

ମନର ଅଭାବ ଗ୍ରାସି ।

କେତେ ସମ୍ପର୍କ ମିଳେନି ଜମା

ଭୂମିରୁ ଆକାଶ ଖୋଜି

କେତେ ସମ୍ପର୍କ ପାଖରେ ଥାଏ

ପାରେନି ହୃଦୟ ବୁଝି ।।