ଶୁଣରେ ପିଲେ ମନ ଦେଇ

ଆଜି ପିଲେ ମୁହିଁ କହୁଛି କଥାଟି

ଶୁଣ ତୁମେ ମନ ଦେଇ

ଜୀବନରେ ଯେତେ ଆସିଲେ ବି ଝଡ

କେବେ ଡ଼଼ରି ଯିବ ନାହିଁ ।

ପିତା ମାତା ତୁମ ଚଳନ୍ତି ଠାକୁର

ତାଙ୍କ କଥା ମାନୁଥିବ

ଯାହା ସେ କହିବେ ତୁମ ହିତ ଲାଗି

ଏ କଥା ମନେ ରଖିବ ।

ମନ ଦେଇ ତୁମେ ପଢୁଥିଲେ ପାଠ

ନିଶ୍ଚେ ଦିନେ ବଡ଼ ହେବ

ପରିଶ୍ରମ କେବେ ଯାଏ ନାହିଁ ବ୍ୟର୍ଥ

ଏକଥା ଭୁଲି ନ ଯିବ ।

ବିଦ୍ୟାଳୟୁ ଆସି ବହି ଓ ପୋଷାକ

ସଜାଇ ନିତି ରଖିବ 

ମାଆ ଯାହା ଦେବେ ହାତ ସଫା କରି 

ଖୁସି ମନରେ ଖାଇବ ।

ଗୁରୁଜନ ଠାରେ ରଖିଥିବ ଭକ୍ତି 

ସାନଙ୍କୁ କରିବ ସ୍ନେହ

ତାହାଲେ ଜିତିବ ଜଗତକୁ ସିନା

ହେବରେ ସଭିଙ୍କ ପ୍ରିୟ ।