ଶୁଖିଲା ଶ୍ରାବଣ ଶୁଭିଲାନି ଶିବ ଭଜନ

  

 କରୋଣାକୁ ଡରି ସବୁ ମନ୍ଦିରରେ

 ପଡିଅଛି ଏବେ ତାଲା

 କେଉଁଠି ଢାଳିବେ ପୂଣ୍ୟ ନଦୀ ଜଳ

 ବିଚାରା କାଉଡିବାଲା !

 ସେଥିପାଇଁ ପରା ଝୁରିଲା ଶ୍ରାବଣ

 ହେଲାନି ଶ୍ରାବଣୀ ବ୍ରତ

 କାଉଡ଼ିଆଙ୍କର ଭିଡତ ନଥିଲା

 ଖାଲିଖାଲି ବାଟଘାଟ ।

 ନଦୀ କୂଳେ ଆଉ ହେଲାନି ଗହଳୀ

 ହେଲାନି ବାଲୁକା ପୂଜା

 ବସିଲାନି ଆଉ ରଙ୍ଗର ହାଟଲୋ

 ଦେଉଳ ହେଲାନି ସଜା ।

 ପାଣି ଭାର ନେଇ ଦଳଦଳ ହୋଇ

 ବ୍ରତଧାରୀ ଯାଇଥାନ୍ତି   

 ଜୟ ଜଟାଧାରୀ ବମ୍ ବୋଲୋ ବମ୍

 ଭକ୍ତି ଭରେ ଗାଇଥାନ୍ତି ।

 ଶୁଖିଲା ଶ୍ରାବଣ ଶିବ ଭଜନରେ

  ହେଲାନାହିଁ ପ୍ରକମ୍ପିତ

  ସବୁଠି ଆକଟ ଝୁରିଲେ ଭକତ

 ପାରିଲେନି ରଖି ବ୍ରତ ।

 କରୋଣା ର ଭୟ କରୁଛି ଅଥୟ

 ଚାରିଆଡେ କଟକଣା

 କରୋଣା ପାଇଁକି ପରବ ପର୍ବାଣୀ

 ହୋଇଲେଣି ବାଟବଣା ।