ଶତାବ୍ଦୀର କୋହ
ଶତାବ୍ଦୀର କୋହ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ଭଗ୍ନ ସଂସାର ଭଗ୍ନ ମନୋରଥେ
କିଏବା ବାହୁଛି ନାଆ ।
ଅସ୍ଥିର ମନ ଜୀବିକା ଜୀବନ
ପାଉ ନାହିଁ ଆଉ ରାହା ।।
ଧ୍ଵଂସର କାୟା ବିସ୍ତାରି ଚାଲିଛି
ମନେ ଦିଏ କେତେ ଶଙ୍କା ।
ଜୀବନ ସ୍ତବ୍ଧ ଜୀବିକା ବିଦଗ୍ଧ
ପ୍ରାରବ୍ଧ ହୋଇଛି ବଙ୍କା ।
ପେଟର ଭୋକ ସମ୍ପର୍କର ଛାଟ
ଉପର ଵାଲା ର ନାଟ ।
ମଳିନ ଆଜି ଭବିଷ୍ୟତ ଧରା
ପେଟ ପାଇଁ ହୁଏ ଫାଟ ।।
ଶୋଇଛି କିଏ ଗଛ ମୂଳେ ଆଜି
ଶୁନ୍ୟ ଆକାଶ କୁ ଚାହିଁ ।
ଦିମୁଠା ଅନ୍ନ ମରଣ ଡାକୁଛି
କର୍ମେ ବି ରହିଛି ଚେଇଁ।।
ପ୍ରତିଟି ପାଦେ ମୃତ୍ୟୁ ବିଭୀଷିକା
ଚାଲିଛି ଯନ୍ତ୍ରଣା ଗାଇ ।
ସମୟ କାନ୍ଦୁଛି କଇଁ କଇଁ ହୋଇ
ଶତାବ୍ଦୀ ର କୋହ ହୋଇ ।।