ଶ୍ରୀରାମ ବନ୍ଦନା

ବନ୍ଦେ ରାମ ରଘୁଵର ଲକ୍ଷ୍ମଣ ଅଗ୍ରଜ

ବୈଦେହୀବଲ୍ଲଭ ଦଶରଥଙ୍କ ତନୁଜ l

କରୁଣା ମୟ ଧାର୍ମିକ ଶାନ୍ତ ବିପ୍ର ବନ୍ଧୁ

ଶ୍ୟାମଳ ଶାନ୍ତ ମୂରତି ରଘୁକୁଳ ଇନ୍ଦୁ l

ସତ୍ୟସନ୍ଧ ଶ୍ରୀରାଘବ ଲୋକ ଅଭିରାମ

ରାଜୀବଲୋଚନ ପ୍ରଭୁ ନୟନାଭିରାମ l

ପାପୀଙ୍କ ଉଦ୍ଧାର ପାଇଁ ନରଦେହ ଧରି

ଧରା ଧାମେ ଆସିଥିଲ ପ୍ରଭୁ ଅବତରି l

ଜାନକୀ ଛଳେ ବଧିଲ ଲଙ୍କାର ରାବଣ

ଖର,ଦୂଷଣ,ବିରାଧ ଦୈତ୍ୟ କୁମ୍ଭ କର୍ଣ୍ଣ l

ଶବରୀ ଶ୍ରମଣା କେତେକାଳୁ ଚାହିଁଥିଲା

ଅଇଁଠାକୋଳି ଖୁଆଇ ତୁମ୍ଭଙ୍କୁ ତୋଷିଲା l

ପିତୃ ସତ୍ୟପାଳି ଯାଇ ବନରେ ବୁଲିଲ

ଅପବାଦୁ ପତିବ୍ରତା ସୀତାଙ୍କୁ ତେଜିଲ l

ଓଲଟା ନାମକୁ ଜପି ଦସ୍ୟୁ ରତ୍ନାକର

ରାମାୟଣ ରଚି ଜଣା ମହାମୁନି ସାର l

ସୀତାରାମମୟ ଅଟେ ସମସ୍ତ ସଂସାର

ସନ୍ଥ ଶ୍ରୀତୁଳସୀଦାସ କଲେ ଯା ପ୍ରଚାର l

ରାମନାମ ସଂସାରରେ ଏକମାତ୍ର ସତ୍ୟ

ସତ୍ୟରେ ରହିଛି ମହୀ ସୃଷ୍ଟି ଆତଯାତ l

କୃପା ନିଧାନ ଶ୍ରୀରାମ କରୁଣା ସାଗର

ରାମ,ରାମ,ରାମ ବନ୍ଦେ ଭବୁ ପାରିକର l