ଶିଖା ତମେ ଆଗୋ ସଖୀ
ଶିଖା ତମେ ଆଗୋ ସଖୀ
ଶିଖା ତମେ ଆଗୋ ସଖୀ
ମୋ ଅନ୍ଧାର ବେଳlର ଆଲୋକ
ତମେ ମୋ ଅନ୍ଧାର ସରଣୀ
ବର୍ତ୍ତିକା,
ତମେ ମୋ ହିମ ସମୟର
ଉଷ୍ମ ପ୍ରସ୍ରବଣ
ଆଶାର ବାସନ୍ତୀ ଲତିକା l
ଶିଖା ତମେ ଆଗୋ ସଖୀ
ମୋ ଶୁଷ୍କ ମରୁସ୍ଥଳେ
ଚାରୁ ମରୁଦ୍ୟାନ
ଠୋପା ଠୋପା ସବୁଜିମା,
ତମେ ମୋ ପତ୍ରଝଡା ପ୍ରାଣେ
ଭରି ଦେଇପାର ଶରଦ ଉଲ୍ଲାସ
ବାସନ୍ତୀ ସୁଷମା l
ଶିଖା ତମେ ଆଗୋ ସଖୀ
ଭାବମୟୀ ପ୍ରେମମୟୀ
ମୋ ହୃଦ ସରୋବର ସରୋଜ,
ତମ ପାଇଁ ତୋଳି ପ୍ରେମ ମଲ୍ଲିଫୁଲ
ସଜାଇବି ତମ ତନୁ ଦେଶ
ବୋଳିଦେଇ ପ୍ରେମ ରଜ l