ସହିଦର ଲୁହ
ସହିଦର ଲୁହ
ମାଆ କାନ୍ଦୁ ଥାଏ ଗୁମୁରି ଗୁମୁରି
ତା' ପୁଅ କି ଆଉ ଫେରିବ ?
ଭାରତ ମାଆ ପାଇଁ ତା' ଜୀବନ
ତା ପୁଅ କରିଦେଇଛି ଉତ୍ସର୍ଗ !
ମାଟି ମା ଗର୍ବେ କାନ୍ଦୁ ଥାଏ ଅନ୍ତେ
ନିଜ ପୁତ୍ରକୁ ହରାଇ
ଖେଳି ବୁଲି ତା' କୋଳେ ବଡ଼ ହେଇଛି
ଶେଷରେ କଣ ମିଳେ ଲୁହ ବୁହାଇ !
ବାପା ବସିଥାନ୍ତି ମୁଣ୍ଡେ ଦେଇ ହାତ
ନେତା ଦଉଥାନ୍ତି ଟଙ୍କା ବଢାଇ
ବାପା କହୁଥାନ୍ତି ଏ ଟଙ୍କା ବଦଳରେ
ମୋ ପୁଅକୁ ଆଣିବ ଫେରାଇ ?
ବୁଢ଼ୀ ମାଆ କୁହେ ମୋର ନାତିଆ
ଏମିତି କାହିଁ ଶୋଇଛି ?
ଏତେ ଜଲଦି ସିଏ କାହିଁ ବା ମରିବ
ବୟସ ଜମା ତାକୁ ଛବିଶି !
ବିବାହକୁ ତିନି ବର୍ଷ ନ ପୁରୁଣୁ
ସ୍ତ୍ରୀ ବସିଛି ବିଧବା ବେଶରେ
କିଏ ଅଛି ଆଉ ତା'ର ଫେରାଇ ଆଣିବ
ସୁନ୍ଦର ହସ ତା' ମୁହଁରେ !
ପୁଅ କହୁଥାଏ ବାପା ଉଠିଯାଅ
ଶତ୍ରୁ ମାଡ଼ିଆସେ ଦେଶକୁ
କିଏ ବୁଝାଇବ ତାକୁ ଯେ ତୋ' ବାପା
ସହିଦ ହୋଇଛି ରକ୍ଷା କରି ଏ ଦେଶକୁ !
ସହିଦର ଲୁହ କେହି ଜାଣି ପାରେନାହିଁ
ବରଷା ଜଣାଇ ଦିଏ ପୃଥିବୀକୁ
ଗର୍ବ କଲେ ତା'ର ପରିବାର ସିନା
କିଏ ବୁଝିବ ତାଙ୍କର ଅନ୍ତର କୋହକୁ !