Library
Profile
ଶେଷରୁ ଆରମ୍ଭ
ଶେଷରୁ ଆରମ୍ଭ
ଘନ ଅନ୍ଧକାର ରାତି ପରେ
ସକାଳ ଆସେ
ପୂର୍ବ ଦିଶେ ସୂର୍ଯ୍ୟ ଉଏଁ
ଏକ ଶେଷରୁ ପୁଣି ଆରମ୍ଭ ହୁଏ
ନୂଆ ଏକ ଦିବସ
ଅବରୋହ କ୍ରମରେ ଓହ୍ଲାଇ ଆସି
ଚେତନାର ଆଶା ଆକାଂକ୍ଷରୁ
ଯୋଜନାର କରିବାକୁ
ହୁଏ ବିକାଶ ପରିପ୍ରକାଶ
ବିବାହର ପବିତ୍ର ବନ୍ଧନରେ
ବାନ୍ଧି ନୂଆ ସଂପର୍କକୁ
ଜୀବନର ନୂଆ ଅଧ୍ୟାୟ ସବୁ
ଶେଷରୁ ଆରମ୍ଭ ହୁଏ
ଏକା ଏକା ବିତାଇଥିବା ଦିନ
ହୋଇ ଯାଏ ଶେଷ
ଯୁଗ୍ମ ଜୀବନ ନୂଆ ପରିଚୟରେ
ଶେଷରୁ ଆରମ୍ଭ ହୁଏ
ପରିବାରର ପରିକଳ୍ପନା
ସ୍ବପ୍ନକୁ ବାସ୍ତବରେ ପରିଣତ
କରିବାର ନବ ଅଭିଯାନ
ସଂଘର୍ଷ ଭିତରେ ଖୋଜିବାକୁ
ହୁଏ କଳ୍ପିତ ଜୀବନ
ଆରମ୍ଭରୁ ଶେଷ ପୁଣି
ଶେଷରୁ ଆରମ୍ଭ ହୋଇ ଚାଲେ
ଗତି ପ୍ରଗତି ଅଗ୍ରଗତି
ଚକ୍ରାକାରରେ ଜୀବନର
ହେଉଥାଏ ଘୂର୍ଣ୍ଣନ
ଶୂନ୍ୟତାର ଆସେନା ପୂର୍ଣ୍ଣତା
ଆଶା ଆସକ୍ତି ସବୁ
ଆଂଶିକ ରହେ
ଇପ୍ସା ଲିପ୍ସା ଅଭିପ୍ସା
ପିପାସା ପରେ ପିପାସା
ଜିଜ୍ଞାସା ପରେ ଜିଜ୍ଞାସା
କେଉଁଠି କାହାର ଆରମ୍ଭ
କେଉଁଠି ହୁଏ ଶେଷ
ହୁଏନା ବୋଧଗମ୍ୟ
ରଖି ହୁଏନା ଭାରସାମ୍ୟ
କାମ୍ୟ ରମ୍ୟ ଅଦମ୍ୟ
ଗମ୍ୟ ଅଗମ୍ୟ ମଧ୍ୟରେ
ସଦା ରହିଥାଏ ତାରତମ୍ୟ
କ୍ରମାଗତ ଇତିବୃତି
ମାନସିକତାରେ ରଖି
କର୍ମରେ ଶୁଭ ଲାଭ
ହୁଏ ସବୁ ଶେଷରୁ ଆରମ୍ଭ।
