ଶେଷ ରାତି
ଶେଷ ରାତି
ଅର୍ବୁଦ ଅର୍ବୁଦ ମୁହୂର୍ତ୍ତ ପାରିହୋଇ
ଗୋଲାପର ଉପବନେ
ପୁଣି ମିଶ୍ରିତ ବାତାୟନେ
ଆସିଛି ଖର୍ବ ଢେଉ ଲଙ୍ଘି
ଛୁଇଁ ବାକୁ ଏକ ପାର୍ଶ୍ୱ କୁ
ଏଇ ଶେଷ ରାତି।।
ଥୁଣ୍ଟା ହୋଇଛି ଗଛ
ମେଞ୍ଚା ମେଞ୍ଚା ବାରୁଦର ଗନ୍ଧ
ଭାଙ୍ଗିଛି ଅନେକ କୋଣାର୍କ!
ବଢ଼ିଛି ଧରମାର ଦୁଃଖ
ବଦଳିଛି ଅନେକ ସମୀକରଣ
ଫି, ଦିନ ଅନେକ ରୋମାଞ୍ଚ
ଏଇତ ନିୟତିର ମଞ୍ଚ
ବଦଳିଛି ଭାଗ୍ୟ
ବଦଳିନି କି ଆମ ଭବିଷ୍ୟତ?
ଏଇତ ସବୁ ଅକୁହା
ସବୁ ଅଜଣା,
ପାଇବନି ହାତ
ସେ, ତ ଦୂରଦିଗନ୍ତ,
ନେଇ ଯାଅ ଏବେ ଦୀର୍ଘ ନିଶ୍ଵାସ
ପୁରୁଣା ଅଙ୍କକୁ ଆଉ, ନ କଷ,
ଆସି ଯାଉ ଶୁଭ ନବବରଷ
ନବ କର୍ମର, ନେଇ ଶୁଭଲଗ୍ନ
କ୍ଷଣକେ ଅପେକ୍ଷା କର!
ଇତି ହେଉ,
ଏଇ ଶେଷ ରାତି!