ଲାଇବ୍ରେରୀ
ପ୍ରୋଫାଇଲ୍
ଶେଷ ଅଭିନୟ
ଶେଷ ଅଭିନୟ
1 min
168
ଦୁନିଆର ଏଇ ରଙ୍ଗ ମଞ୍ଚ ପରେ
ଚାଲେ କେତେ ଅଭିନୟ
ସୁଖ ଆଉ ଦୁଖଃ ଏକପରେ ଆନ
ନିଅନ୍ତି ସବୁ ବିଦାୟ
ଶେଷ ଅଭିନୟ ତୋର
ସରିଗଲେ ବାବୁ ବାହୁଡ଼ି ଯିବୁରେ
ସବୁ ହେବେ ସାତ ପର ।
ଆଖି ପତା ତୋର ପଡି ଯାଇଥିବ
ନିରବେ ଥିବୁରେ ଶୋଇ
ଆପଣାର ଲୋକେ କାନ୍ଦୁଥିବେ କେତେ
କିଏ ବନ୍ଧୁ କିଏ ଭାଇ
ଛଖଣ୍ଡ କାଠରେ ତୋତେ
ମଶାଣୀ ପଦାକୁ ବୋହିନେବେ ତୋତେ
ଦୟା ନବହିବେ ଚିତ୍ତେ ।
ଜୁଇରେ ଥୋଇଣ ନିଆଁ ଲଗାଇବେ
ପୋଡିତୁ ପାଉଁଶ ହେବୁ
କ୍ରିୟା କର୍ମ ତୋର ସରି ଯିବା ପରେ
ତୋତେ ଭୁଲିଯିବେ ସବୁ
ଶେଷ ଅଭିନୟ ତୋର
ସରିଗଲା ପରେ ତୋର କେହି ନାହିଁ
ଏହି ରୀତି ଦୁନିଆର ।
