ରଙ୍ଗୀନ୍ ପ୍ରେମ
ରଙ୍ଗୀନ୍ ପ୍ରେମ
ତୋ ପ୍ରେମରେ ବାୟାଣୀଟେ ମୁଁ ,
ତୋର ସେ ହାଲକା ହାଲକା ନଜରରେ ହଜିଯାଏ ,
ଲାଜର ସବୁ ଶିକୁଳି ଛିଣ୍ଡି ଯାଏ ,
ସତରେ ତୋ ପ୍ରେମରେ ପାଗିଳୀଟେ ମୁଁ ...।
ତୋ ଛୁଆଁ ଖାଲି ଛୁଆଁ ନୁହେଁ ,
ଜାଦୁଗର ର ଜାଦୁ ପରି ,
କିମିଆ କରି ପକାଏ ମୋତେ .
ଅଙ୍ଗର ପ୍ରତି ଭଙ୍ଗା ତୋ ଆଡ଼େ ଟାଣି ଯାଏ ,
ମୋ ନିତମ୍ବରେ ତୋର ସ୍ପର୍ଶ
ମହୁଲିର ନିଶା ଠୁ ବି ଆହୁରି ଶକ୍ତ ,
ପାଦ ମୋର ହୁଏ ଟଳମଳ ,
ଆଖି ଖୋଜେ ତୋ ଚେହେରା ,
ମନ ଟାଣେ ତୋରି ଭାବନା ,
ନିଃଶ୍ୱାସରେ ଭରେ ତୋ ପ୍ରେମର ବାୟୁ .
ତୋ ପ୍ରେମ ରଙ୍ଗରେ ମୁଁ ଆଜି ରଙ୍ଗୀନ୍ ,
ବେଶ୍ ରଙ୍ଗ ମୋ ଦେହ ସାରା ,
ଖାଲି ଚିକ୍ ଚିକ ଭାବେ ବାରିପଡେ
ପ୍ରେମର ଇନ୍ଦ୍ରଧନୁର ସପ୍ତ ରଙ୍ଗ ।
ବାୟାଣୀ ମନର ଆକାଶରେ
ଥର ଥର ପାଦର ଚିହ୍ନରେ ,
ଚଳଚଞ୍ଚଳ ଏ ଶରୀରରେ ,
ସ୍ବପ୍ନ ବଶୀଭୂତ ଏ ମାନସିକ ପଟରେ ,
ସମ୍ପୂର୍ଣ୍ଣ ରଙ୍ଗୀନ୍ ମୁଁ ତୋ ପ୍ରେମରେ ।
ସତରେ ବାୟାଣୀଟେ ମୁଁ ତୋ ପ୍ରେମରେ ,
ମନ ଆଜି ରଙ୍ଗୀନ୍ ତୋ ପିରତୀରେ ,
ପ୍ରେମ ରଙ୍ଗ ର ନଦୀରେ
ଭଉଁରୀ ଖେଳୁଛି ମୋ ବାୟାଣୀ ମନ ,
କୂଳପାଉନି ଖୋଜି ଖୋଜି ,
ତୋ ପାଖେ ଅଛି ତାର ପଥି ,
ଆହୁରି ରଙ୍ଗେଇ ଦେ ଏ ରଙ୍ଗୀନ୍ ମନକୁ
ରଙ୍ଗୀନ୍ ପ୍ରେମ ରେ , ଚୋରା ପିରତୀ ରେ
ବାୟାଣୀ ଟେ ମୁଁ ତୋ ପ୍ରେମ ରେ .....।